أختي بسألك سؤال
الحين اذا تزوجتوا هو بيسكن في البيت لحاله ولا بتسكنين معاه ؟؟ شي طبيعي إنك بتسكنين معاه
إذا مافيها شي لو ساعدتيه في مصاريف البيت اللي يضمكم إنتو الإثنين ...
صحيح إنه هذا من واجبات ومسؤوليات الزوج ... ولكن الوقت هذا يا أختي صعب جداً جداً جداً
كل شي أرتفع سعره .. الإيجارات ... المواد الغذائية ... حتى الخضروات والفواكه
والمشكلة انكم انتو يالبنات مو حاسين بهذا الشي ... لأنكم جالسين معززين مكرمين في بيوتكم
مصروفكم يجيكم ألين حدكم وطلباتكم كلها مجابة ، وكل اللي عليكم تسووه إنكم تكتبوا قائمة الطلبات
والزوج عاد بكيفه لازم يجيبها ... يسرق ... ينهب ... يتسلف ... المهم يجيب الطلبات هذي
والزوجة طبعاً مو مقدره هذا الشي ...
وبعد هذا كله الزوجات يزعلون لما أزواجهم يطلبون منهم مساعدة في البيت أو في مصروف الأولاد
أختي الكريمة .. خطيبك ما قال لك إنتي أصرفي على البيت ، وشال يده من الموضوع
كل اللي طلبه مساعدة ... (( مجرد مساعدة )) .. ليش مستثقلة الموضوع لهذي الدرجة ؟؟
مو هذا خطيبك و ان شاء لله بيكون زوجك وأبو عيالك ؟؟
مو هذا البيت اللي بتصرفين عليه بيتك إنتي زي ماهو بيت زوجك ؟؟
إذا كنتوا يالبنات تطالبوننا كأزواج إننا مانعيش معاكم بعقلية(( سي السيد)) إنتو كمان غيروا من عقلياتكم شوي ... وحاولوا تتفهمون أوضاع أزواجكم وتقدرونهم ... وتقدرون هذا الوقت الصعب اللي عايشين فيه (( وقت المادة ))
وما أدري ليش أغلب العضوات حكموا على الزوج إنه بخيل
يمكن الرجال ظروفه صعبه في هالوقت
يمكنه شاب في بداية حياته الوظيفية
اقتباس:
|
احب الفت الانتباه الى انه يرفض شراء الاشياء اللى تتطلب تقسيط مابعد الزواج او تجعلنا مديونين
|
عين العقل .. معاه حق في هذا الشي ... الأقساط هي أكثر شي تقصم الظهر ، وتاكل الراتب
وبعدين إنتو داخلين على زواج ... والزواج لحاله مع تأثيث البيت راح يكلفه مابين 100 إلى 150 ألف
هذا إذا كان الزواج متوسط والأثاث متوسط
خطيبك حتى لو كانت حالته المادية متوسطه ، فهذا الشي مايمنع إنك تساعديه وتخففي عليه
بالعكس صدقيني إنك راح تكبرين في نظره وراح يعتبر هذا الشي جميل لكِ ولازم يرده
فياليت إنك تحاولين تتفهمين وضع خطيبك وتقدرين هذا الوضع اللي هو عايش فيه
تحياتي
التعديل الأخير تم بواسطة sunshine545 ; 01-05-2007 الساعة 01:22 PM