أخواتي في الله ..

نور الغدير 2006 ..

أم اليمان ..

الأميره الهادئه ..

أم تاالا ..

اولا اسفه لأني تأخرت عليكم في الرد .. ما قدرت ادخل المنتدى في اليومين اللي فاتوا ..

وثانيا شكرا على اهتمامكم وردودكم .. جزاكم الله عني كل الخير ..

وثالثا .. ودي اقول لكم اني قبل ما اطرح موضوعي عليكم كان خطيبي اتصل عليا ثلاث مرات .. وفي كل مره كان يحاول يصالحني وانا طول المكالمات اقول له .. معلش ممكن تسكر .. انا مالي نفس اتكلم معاك .. افففففففف كلامك يضايقني .. ومن هالكلام .. والمسكين مومصدق ان هالكلام يطلع مني .. انا اللي دايما اطير من الفرح يوم اسمع صوته ..

لكن بعد قرأتي لردودكم ونصايحكم راجعت نفسي وحسيت ان تصرفاتي كانت سخيفه معاه .. واني لازم اسمع كلامكم واكبر عقلي .. واشيل هاجس قلة مكالماته من راسي .. وارضى بالقليل مراعاة لظروفه .. لأن من لايرحم لايُرحم .. ولازم مثلما قلتوا اصبر واطنش .. وابطل عتاب ونكد ولوم ..

على فكره هو وقت ماكان يصالحني وانا اسمعه وزعلانه بنفجر .. لكني من داخلي ودي اضحك عليه لأن طريقته في المصالحه تضحك .. من جد انه مايعرف يصالح ابدا .. ولايمتص غضب احد ..
ومن جهه ثانيه قلبي يعورني عليه لأني اول مره احسه ضايع ويلخبط في الكلام ومو عارف ايش يقول عشان ارضى عليه ..

الأميره الهادئه ..

كيفك انتي ياعسوله ? انا كمان اشتقت لك ولأخبارك ..

ودايما ادخل المنتدى وادور لو كان في موضوع باسمك عسى اني اعرف لو صار جديد بموضوعك لكني ما القى .. وارجع اقول لنفسي دامها ماتكتب فأكيد ان الاحوال ساكنه .. لكني مع ذلك متابعه مشاركاتك في مواضيع الاعضاء الباقيين .. شكرا على سؤالك حبيبتي .. واسأل الله تعالى انه يشفي خطيبك ويسخره لك .. ويبعد عنكم كل مكروه ويجمعكم على خير عاجلا غير اجل .. اللهم امين ..

انا فعلا شاكره لكل خواتي وحبايبي اللي ردوا عليا .. واقول لكم إن نصايحكم وكلمات التصبير اللي قلتوها ساعدتني كثيييييير .. كأني كنت محتاجتها اكثر بكثير من حاجتي لزيادة عدد المكالمات بيني وبين خطيبي .. وصدق من قال ماخاب من استشار ..