والله يا اختي الحل مو واحد مرة انا اراضيه مرة اهو يراضيني وباغلب الاحيان انا اللي ابدى بالرضا مع انه اهو الغلطان ويا خذ فيها الاخ ويسوق في الدلع ويسويني انا الغلطانة وابلعها وتمشي ومرات لا والله اتنح واهو يصير اتنح لغاية ما ربك يفرجها والله ما ادري شاقولج
انا دايما اقول للي حوالي انه ثقافتنا الشرقية محدودة من الناحية هذي يعني اذا جيتي تعبرين عن زعلج الزوج بسرعة ياخذ وضع الهجوم والدفاع كأن تفريغ المشاعر والتعبير عن الغضب فعل منكر لازم نبلع ولا نقول بس واذا غصينا وتكلمنا قامت القيامة علينا
حاليا انا وياه متزاعلين واهو ينام بالصالة انا واجبي اللي الله يسألني عنه من أكله وشربه ولبسه قايمة فيه واعتذار ما اكذب عليك ما اعتذرت لأنه هو الغلطان واهو عارف الشي هذا بس ماخذها بالكبر والنفسية
الله يهدي سرنا وسر امة محمد ويصلح شأن كل اثنين متزوجين يا رب والله يا اختي عندي الكثير وجربتي مليانة بس الوقت ما يسمح
الله يكون بعونج