انا معاك ان الطبع مش كويس وضرورى تغييره
يعنى مثلا حاول تجيبهالها من ناحيه لو انا بنفذلك كل طلباتك لكن انا بعيد عن ربنا ومقصر فى صلواتى هتكونى مبسوطه؟
قللها اللى بيننا ده ميثاق غليظ مش المفروض اى حاجه تهزه وتخلق زعل بيننا احنا اتعاهدنا اننا نكون سوا ونوصل مع بعض للجنه واللى يخون العهد ده هو اللى يستحق ان التانى يزعل منه لكن باقى الحاجات كلها حاجات دنيا زائله
كمان راعى انك متكونش بتوعدها بحاجه ومش بتنفذها علشان يمكن هى يكون اللى بيزعلها منك خلفك للوعد مش عدم تنفيذك لطلباتها
يعنى لما تطلب حاجه شوف لو انت هتقدر تنفذها قللها ولو مش هتقدر قللها بصراحه علشان كذا وكذا
وفهمها ان تقديرها لظروفك فى عدم تنفيذك لبعض طلباتها ده بيعللى مقامها عندك وبتزيد فى نظرك لأنك بتحس انها بتحبك لشخصك ومستعده تستحمل كل ظروفك
وانت حاول من نحيتك برده تحسسها باهتمامك اكتر لأن يمكن هى بتشوف ان عدم تنفيذك لبعض طلباتها عدم اهتمام بيها او انك مش بتحبها كفايه
اتمنى اكون افدت