هلافيكم إخواني الكرام


الحمدلله أنا متكيفه مع وضعي وصابره طالما عارفه إني ماغلطت وبالعكس أحتويتها


وكنت لها مثل الأخت


ولكن خبثها ومكرها خلاني أكره حتى إسمها


والحمدلله بأسمع كلام زوجي ولالي بها أي علاقه


صحيح هي تقهرني من يوم يجي زوجي لعندي بس تتصل عليه جوال وتطلع لها طلبات كتيره


وأشوف زوجي يطنشها ولايرد عليها وأحيانا يحط الجوال صامت وكتيرماترسل له رسايل


المهم تبغاه يروح لعندها وأحيانا أجد زوجي يروح لعندها يشوف ايش تبغى


يجد طلبها تافه يقوم يخاصمها ويرجع لي ويقولي دوختني الحرمه المهم تبغاني اروح لها وتتعمد


تتكلم أو تعمل شاهي وتقولي اشرب معايا يقولها ليش هو يومك


تقوله لأ بس نفسي اشربه معاك


يقولها أجل اصبري لبكره


تصدقوا ياإخوان


أحيانا زوجي يكون عندها تجي تاني يوم تقوله لاتروح لروعه خليك عندي يقولها ليش


تقول بس كدا طفشانه


روح أستأذن من روعه وهي طيبه أكيد ترضى


يقولها حتى لوهي رضيت أنا ماارضى إنتي بتستغلي طيبه المسكينه


وربي كرهتها زي ماحبيتها ...المشكله تتصل علي وتقولي خلي ابوفلان يبات عندي الليله


أقولها ليش


تقولي بس كدا أنا طفشانه وماعندي احد إنتي عندك اولادك ويكفوكي


أقولها خلاص


لوجاكي يومين ..بعد كدا أنا لي يومين تقوم تسكت


ردي على أخي الفداء


بالفعل كتيرماتكون الزوجه التانيه شريره وتبغى تستولي على الرجال وهي فاكره إن زواجه علي


عشان تقصيرمني وبس


بالنسبه لردي على أم عبيد الله


حبيبتي فعلاً زوجي ماهو شهواني وكثيرماظلمني معه في المعاشره الزوجيه ولكني الحمدلله بأصبرعليه


تصوري العلاقه الزوجيه أنا أسمع إنها تتم أقل شئ في ربع ساعه وأنا أحيانا زوجي يتمها في خمس دقايق


مابيعرف أصول المداعبه ولمن اقوله داعب وأعمل كدا يزعل مني ويتكلم علي كتير


كل همه متى يتم الإيلاج وأرتاح أنا وهو يرتاح


أقوله إن المرأه تحب المداعبه أكتريضارب معايا ..ويقولي أنا كدا إذا عجبك أضطرأقوله عاجبني وإنت حبيبي


وكل حياتي ..رغم إغراءاتي له بس هو كدا طبعه ..إيش اعمل


وزواجه كان نزوه منه وتقليد لأصحابه اللى قالوا له إنت بنيت فيلاجديده وعندك ماشاء الله فلوس


لازم تتمتع وتتزوج


الله يسامحه ماعرف خيري علين جرب غيري

__________________