السلام عليكم
مبارك عليك ياعريس
والله جنناكم احنا البنات ومن دلعنا ومن حساسيتنا
اخوي الوضع طبيعي جدا
1_خفف مكالمات بس موتقطعها
يعني ليش تخلي المكالمات 4-5 ساعات
كلمها الصباح (صباح الخير حبيبتي كيف صحتك وووو هيا توصي شي حبيبتي حبيت اسلم عليك)
الظهر(كيف الحال والأحوال والحل والترحال و و وحبيت اسلم عليك)
المغرب (ايش الأخبار ايش عملتي اليوم وين رايحين ....)
قبل ماتنام (كم كلمه حلوه مع اشتياق وموده ودلع )
كل هذي المكالمات كل واحد ماتاخذ منك 5-7 دقائق
الين نهاية الأسبوع خلي مكالمه وحده في الأسبوع طويله شوي حسب المواضيع
طبعا اكيد بتلاقوا حكي لأن شي طبيعي خلال الأسبوع ماتكلمتوا غير سلامات وتحياتي
وبعدين لازم تتفاهموا هذي الأمور عاديه وبسيطه وتحصل
بس لاتخلي الأمور تكبر عليها
يعني على طول راضيها بكم كلمه حلوه
وبعدين خلي رسائلك رقيقه
اقولك شي
لاتنسى شيء مهم وهو الحاله النفسيه اللي تمر فيها المرأه(الدوره الشهريه)
تراها تغير المزااااااااااااااااااااااج وتزعل وتبكي من الهوا اللي خرب شعرها
تزعل من الورده اذا مالقت فيها رائحه حلوه
اسألها قولها متى تجيك الدوره ؟قربت ؟ كم باقي لها
وتأكد ياان فيها او باقي لها كم يوم وتجيها
تبغى نصيحه اول ماتشوف خطيبتك او اختك معصبه وتزعل من شيء تافه على طول اعرف ان فيها شي غصب عنها
ولاتلومها
تروى اخوي حاول تمتص غضبها
لأن بطبيعة البنت تحب الأهتمام والرعايه
يعني لنفرض هذا اليوم اللي قالت فيه لك ابغا انام
على طول اذا قدرت تكلمها كلمها وسلم عليها واعطيها كم كلمه حلوه ودلع وسكر ماياخذ الموضوع 5 دقائق
واذا موقادر ارسل لها رساله وقولها حبيبتي انتظري شوي ابغا اقولك سر بس اعطيني وقت ربع ساعه <<<<طبعا حسب المده اللي تقدر عليها وكلمها والسر قولها كلمه حلوه وقولها احبك وحركات يعني
واذا ماتقدر ارسل لها بطريقه حلوه وقوله حبيبتي والله ودي اكلمك بس مره مشغول والشباب جنبي معليش سامحيني حبيبتي لكن اوعدك ان شاء الله بكره الصباح اول مااصحى اكلمك احبك ياحبيبتي واموت فيك غطي نفسك وانت نايمه وووو)
تصدق والله انها بترتاح وبتنام وهي مبسوطه ومطمئنه
على فكره المرأه تحتاج للشعور بالأمان وتحتاج الإهتمام والرعايه والحنيه
وربي يسعدكم ويألف بين قلوبكم
ولاتنسى الدعاء والإستغفار وربي يشرح صدركم
__________________
لااله الا انت سبحانك اني كنت من الظالمين .. ربي اني مسني الضر وانت ارحم الراحمين .. إنا لله وإنا إليه راجعون ولاحول ولا قوة الا بالله .. يامغيث أغثني
إلهي احفظ لي(سلطان وسعود) واقر عيني ببرهم وصلاحهم وعوضني واياهم الرجل الصالح الذي يخافك فينا