صحيح شعرها مو ناعم مثل ما تحب وما عندها صدر وغيره من معالم الأنوثة.. بس يمكن عندها أخلاق وعاطفة وشخصية تخليك تحبها وتشوف عيوبها محاسن!
كثير رجال يحبون حريمهم مع انهم مو ملكات جمال أو بنفس المواصفات اللي كانوا يبونها.. لأن العشرة تخلق الألفة والحب وأجمل المشاعر بين الزوجين.
المهم، لازم تشوفها عشان تقتنع فيها كزوجة.. وبلا تعتمد على وصف الأهل لأنه يمكن يكون خاطئ أو فيه شيء من المبالغة!... يجوز تشوفها وتنبهر بشكلها!
كثير بنات شعورهم ناعمة بس ملامحهم مو ذاك الزود.. وكثير بنات شعورهم كيرلي أو جافة بس فيهم جمال ورقة ودلال!.... يعني الشعر مو أهم شي في المرأة إنما ملامح الوجه والبشرة. هذا من رأيي انا.
بعدين الحين الموضة الشعر المموج أو المجعد.. بس اذا انت مصر انك تتزوج واحدة شعرها ناعم فلا تطلب منها تفرد شعرها الحين... لا بد يكون فيه مجال للتعارف واذا طاحت الميانة اطلب منها هالشي من باب الأدب والذوق.
وبالنسبة لحجم الصدر فمثل ما قالوا الاخوات، هي ما زالت صغيرة وتوه صدرها في طور النمو ويبي له 5 سنوات ويمكن أكثر عشان يطلع بحجمه الطبيعي.
بالتوفيق.
التعديل الأخير تم بواسطة حسناء الشرقية ; 14-03-2007 الساعة 02:28 AM