اختي تعوذي من بليس


اللي تطلع لك هذي ميزة مسويتها الاتصالات
و هي انك تحول رقمك على ( 4000 )
في حالة خروجك من الخدمه او اغلاق الجهاز تشتغل عندك ( موجود ) تلقائيا"
انا مسوي هالحركه في جوالي
عشان توفر علي وقت تحويل الجوال اثناء خروجي خارج حدود التغطيه

يعني الجوال محول مباشره على رقم ( 4000 ) و هو مركز الخدمه

يعني اذا اتصلت بالجوال تطلع لك رساله ( ملاحظة : توجد مكالمة محولة )

يعني الجوال شغاله فيه خدمة موجود
فهمتي ؟

بعدين اعقلي
ولا تخلين ابليس يلعب بك

البسي و اكشخي و خليك مرحه و فرفشي مع زوجك
كل اللي تعيشين فيه هذا اسمه و هم
و اعتقد و الله العالم انك مع الوقت بتتبلور الفكره في راسك الى ان تصبح اعتقاد لا يمكن انك تتراجعين عنه
طبعا و هو اعتقاد خاطئ

بعدها بتهملين نفسك
و اذا اهملتي نفسك اهملتي زوجك
و الزوج اذا شاف منك التقصير يمكن يفكر تفكيرات اخرى ..

عدلي من سلوكك
و غيري من تفكيرك
خلي تفكيرك ايجابي دائما" و ضعي جميع الاحتمالات و المبررات لزوجك

لاننا اذا حطينا فكره في رؤوسنا
مثلا
انا لو اشك مجرد شك في اخوي مثلا" انه " يشرب خمر " لا قدر الله

1- تبدا" فكره و يكبرها الشيطان في راسي
2- تكبر و تصير اعتقاد

و اصير ابني مواقفي على اعتقادي

يعني انا ظنيت ظن سوء و قلت انه يشرب خمر

بعدين شفته مره بالليل جاء متأخر و قبل يدش البيت شفته يرمي " علبه " مثلا
في الحقيقه هي علبة ببسي او مويه

انا عندي اعتقاد ان اللي رماها انها اكيد " علبه " فيها خمر .!
و ابني الموقف اللي بعده و هكذا

يعني اي شيء يسويه
افسره انا الى امور اخرى

هذا مثلك تماما"

انتي الان تعتقدين ان زوجك يخونك وانا متأكد انه بريء

لذلك اي تصرف يبدر منه حتى وان كان شيء عادي تقومين انتي بتفسيره بناء على ظنك و ليس بناء على الحقيقه .!

اقطعي الشك باليقين و تعوذي من ابليس
و ادعي ربك انه يحفظ زوجك و يسعدك انتي و ياه