عليكم السلام ورحمة الله وبركاته

أعجبتني إرادتك وثقتك بنفسك وإن كنت ِ ماأعترفت ِ بهـا

سبحـان الله يامشاعر مرهفة

إنت ِ فضفضتي والحل كتبتيه بنفسك

المشكلة هي مشكلة نفسيـة داخلية فقط

أشاركك نفس الإحساس للأسف

لكني أحاول قد ماأقدر إني ماأكبّر في تفكيري هذا الموضوع

لأنه الواقع غير ذلك تماما ً

أحب أقضي أوقاتي في مراقبة من حولي وإرتحت كثيييير

لما أشوف ناس نحبهم كثيير رغم إنهم يفتقرون للجمال نهائيا ً

والعكس بغيرهم تشوفينهم جماااال لكن قلبك مايميل لهم نهائيا ً

هذا ماراح يصير بينك وبين زوجك بإذن الله

إذا حب فيك ثقتك بنفسك وثقافتك وإحترامك له وتعاملك معه بشكل كبير

راح يغطـي على كل شي

وإن كنت ِ جميلــة جدا ً لأنه الجمال ينبهر فيه الشخص مره ومرتين وعشر لكن

مش طول العمــر ومايبقى إلا الأخلاق والتعامل الحلو

عززي ثقتك بنفسك من الآن بالإضافة لما كتبتيه في ردك الأخير

الرجل يحب الثقة بزوجته ويستمد منها ثقتـه أكثر

لاتوضحين له إنك مهزوزه من داخلك أبدا ً

كويس منك يامشاعر محاولة تغيير نفسك وتعتبر خطوة إيجابية منك

لاتستسلمين لمشاعر سلبية قديييمة ممكن إنها تغيرت الآن من قبل والديك ِ

وإنت مازلت ِ متمسكة فيها وضعفتي بسببها

يكفيك إنك تفخرين بنفسك لما تفكرين بشكلك وبكلام أهلك إنك كملت ِ

دراستك وسافرت ِ وتعبت ِ وغيرك ماعنده اللي وصلت ِ له

يعني حاولي تشوفين الجوانب الحلوة بشخصيتك أكثر وعززي نفسك بنفسك

صدقيني مافيه أحد في الدنيا راح يعطيك ثقتك إلا نفسك

أتمنى أكون أفدتك يامشاعر

الله يوفقك يـــارب وييسر لك أمرك