اختي سردينه،،

جدا موضوعك مضايقني وانا مو متضايقه عشان اللي صارلك لانه اللي صار صار لكني متضايقه عشان زعلك ..احس انه نفسك عافت الحب ،، يا اختي اعتبريها نزوى اعتبريها غلطه ارتكبها زوجك في لحظة الشيطان زينها له ..

ابغى اقولك شي زوجك الان رجعلك وفي حضنك خلاص وهي راحت لبلادها وان شاء الله انتهى الموضوع لحد هنا ،، ابغاكي تنظري للموضوع بناحيه ايجابيه الان زوجك حاطط جميلك فوق راسه لانك سامحتيه وبيني وبينك اشوى انه زوجك جاك وطلب رضاك واعتذرلك فيه رجال يغلط ويكابر وينتقم من زوجته اكثر واكثر اذا درت بغلطته .

هذا ابو طفلك اللي هو قطعه من جسمك رب العباد يسامح عبيده على اغلاطهم وذنوبها مهما كانت كبيره واحنا العبيد ما نسامح بعض؟!!

اعرف انه الجرح اذا جاه من شخص تحبيه وتغليه اصعب الف مرررررره من جرح يجي من ناس مالهم قدر كبير بقلبك بس انا اقولك خلي هذا الحب والغلى اللي حبيتيه اياه يكون شفيع بينكم خليه يشفعله لعل وعسى تعود الامور الى مجراها..

سامحيه سامحيه ارجوك سامحيه وانتبهي عليه اعتبري انه عندك طفلين مش طفل واحد فتحي عينك عليه عشان لا يتكرر اللي حصل..

الله يوفقكم ويسعدكم..

__________________