يا حبيبتي ربنا يهديلك الحال

لازم هيكون في اختلافات ما بينك و ما بينه في الأفكار ، الثقافة ، الطريقة ، الإسلوب ، ... ممكن للأعلى و ممكن للأقل

صدقيني في ناس مستويات مادية و مراكز اجتماعية و لو اتكلمتي معاه مش بيعرف حتى يتكلم كلمتين على بعض

و هو إذا كانت ثقافاته أقل منك لكن زي ما بتقولي إنه مرتفع من الناحية الدينية و هذا و الله الأهم

اهتمي بإنك تنميله معلوماته و ثقافاته و اهتماماته ،، احكي معاه عن معلومة في كتاب ، و خذي رأيه فيها و خليه كمان هو يتكلم عن معلومات دينية و لازم يكون باين عليك إنك بتفهمي منه و بتتعلمي حاجات عمرك ما كنت تعرفيها علشان لا يجد حرج أمامك في إنه ممكن يكون جاهل ببعض المعلومات ،
لأن أي رجل مش يحب أبداً يكون أقل من زوجته خصوصاً من الناحية الثقافية و التفكيرية

طريقته معاكي في التعبير عن حبه ليك ،، دي الطريقة المتعارف عليها عند اي رجل
طبعاً بتختلف من رجل لآخر ،، لكن ما شاء الله عليه واضح إنه إنسان ملتزم و محافظ على نفسه و شايف فيك الحلال علشان يقدر يخرج ما بداخله من مشاعر و ...

أكيد بتكوني مبسوطة لما بيعبرلك عن مشاعره أو لما بتحسي قد إيه متعلق بيك ،،، لكن الطريقة بتدايقك
تقدري تغيري الطريقة مش بالنهر و الزجر و إنك تقوليله لأ مش تعمل كده و لأ ده بيدايقني ،،،،،،
لكن حاولي إنت تعلميه الطريقة اللي بتحبيها ...
يعني إذا كان بيمسك إيديك بطريقة عنيفة أو فيها تلميح قوي بتشمئزي منه ،،، خليه يمسكها لكن تكون بنعومة و بحنان دي هتكون طريقة فعالة أكتر من إنك تقوليله مش تمسكها خالص ، و هتكون طريقة مريحة بالنسبة ليك و ليه

واحدة واحدة هيعرف إيه اللي بتقبليه و إيه اللي مش بتحبيه ، و مادام بيحبك هيدور على رضاك لكن أعذريه لأنه ممكن يكون بيتصرف بعفوية و أكيد مش قصده إنه يدايقك

اللي عملتيه كان كويس جداً لأنك حسستيه بحجم المشكلة اللي مدايقاك فحاولي تبدأي في الحل على طول
(((اطرق الحديد و هو ساخن)))
لكن بهدوء و بحكمة كما عهدناها فيك أختي الكريمة

ربنا يوفقك و يهنيك بزوجك و يسعدكم في الدارين و يبعد عنكم شر الحساد