السلام عليكم من جديد ..

أخي الكريم .. نوّارة حياتي ..

خواتي وحبيباتي .. حبيبة الاسلام .. عنفوان الحياه .. خلود محمد 2 .. الأميره الهادئه ..

اولا .. انا فرحت كثير بكلماتكم وتشجيعكم .. انا كتبت موضوعي عشان افضفض عن شئ ما بداخلي ..
وارتحت كثير بالكلام معاكم .. من ثلاث سنين وانا اعتبركم اهلي وناسي .. وصحيح أن الغربه صعبه .. لكني ما احس بيها وانا معاكم ..

وثانيا انا مؤمنه ان الكمال لله وحده .. والجمال نعمه يهبها الله لمن يشاء .. ومقتنعه باللي عندي وراضيه .. و احمد الله ليل ونهار على كل نعمه .. ربي عطاني وحرم كثيرين غيري .... لكني اخاف خطيبي هو اللي مايرضى بنصيبه ويقتنع .. انا كتبت عن مشكلتي لان موعد رجوعي النهائي لبلدي قرب وماباقي غير شهور قليله .. وانا خايفه من مواجهة خطيبي واهله ..

انا يوم سمعت كلام ابويا وامي كنت صغيره مره .. وحسيت وقتها انهم ماعاد يحبوني مثل اختي .. وظل الاحساس يلاحقني لسنوات .. كنت احاول اجتهد في دراستي عشان اعوض عن النقص اللي عندي .. والحين نفس المشكله تتكرر مع خطيبي .. اخاف مايحبني لو شافني قدامه .. او ما أملى عينه .. او اظل حسره في قلبه لأنه ما احسن الاختيار ..

انا كمان اسأل اذا كنت حلوه .. واسمع دايما اني حلوه لكني ما اصدق .. حتي خطيبي يوم شاف صوري .. تعمدت يومها اخليه يفتح الكاميرا من عنده عشان اشوف ردة فعله وقت مايشوفني .. واذكر انه كان خايف ومشدود اعصابه وقت تحميل الصور .. وبعدها لما شافهم فرح كثير وانبسط .. وقال لي سبحان المصور انتي حلوه مررررره وجسمك حلو .. وانتي كاملة الاوصاف .. لكني ما اقتنعت .. حسيته يجاملني .. بالاضافه ان هذه صور ثابته مافيها حركه .. يمكن لوشافني اتحرك او اتكلم اواضحك يغير رأيه ..

مشكلتي نفسيه اكثر ماهي عضويه .. انا ماعندي عيب واضح في جسمي اشتكي منه .. لكني اخاف ان الباقين هم اللي مايقتنعوا بشكلي مثلما صار مع ابويا وامي !!