المشاركة الأصلية كتبت بواسطة اتكاءة حرف!

أهلا أخي..
قرأت موضوعك اخي ( واذا انخطبت...)
بصراحة ما ني عارفة وش أقول
فعلا من يوم قريته والى الآن وأنا أفكر في رد بس ماني لاقية!!
فعلا فعلا الحورف كلها لا تصف!
طبعا ما أبغى أرد في نفس الموضوع ما أدري أحس أطلعه من جديد أو الأفضل انه يبقى مكانه فعلا ماني عارفة وش الأفضل ويمكن توتري له دور كبير,.,
فقلت أرد هنا أحسن
فيه كلام كثييييييييييييييير ودي أقوله بس ما أعتقد فيه إمكانية لأنه نقاط متضاربة ومختلفة وحايسة ووو الخ

أقول ورغم ان ردي راح يكون مضطرب فعلا وحايس وأبغى أختصر والاختصار يخل! لكن الشكوى على الله..
أيضا ودي ردي ما يحسسك بالتراجع لا لكن حبيت أبين لك مسيرة الموقف بالنسبة لي!
أولا الموضوع خلال الفترة الماضية كلها كان شاغل بالي دائما!! وكأني أحد أفراد المشكة! كنت أتساءل أنا وش دخلني؟!! ليه اتلقف؟!! احتمال ظلمته وظلمتها!! احتمال وجهة نظري غير صحيحة احتمال احتمال...
يمكن أنا أخطأت؟!! صحيح اني كنت مقتنعة بكل حرف كتبته لكن الشيطان ما يخلي أحد!

ولما قريت موضوع حسيت بتأنيب الضمير وبصراحة وتمنيت أني ما تدخلت! ما أدري ليه!
يمكن حسيت اني شاركت بآلامكم وأحزانكم!
أشياء كثيرة درات في راسي...
لكن أسلوبك في طرح الموضوع ساعدني أني أتجاوز المشكلة لأنها أثبتت إنك أنت نفسك تجاوزتها!
ورغم ذلك كنت خايفة!
لكن الفرحة الحقيقية بصراحة بصراحة مو من الموضوع لا من ردودك في الموضوع هي اللي أعتبرتها هدية المنتدى!!
شعور غريب حسيت فيه الحمد لله فعلا نعم الله عظيمة..
لأن الموضوع أحيانا ينكتب في لحظة هادئة يكون الشخص مرتاح فيها لكن ترجع له لحظات صعبة تستثير الألم فيه...
ردودك على بعض الأعضاء هي التي رسمت حجم نجاحك وتجاوزك للمشكلة,,
لان بعض الردود الله يهديها فيها تخذيل!! وكأنها تقولك لا تفرح كثير ترى بترجع للحزن!!!!!!!!!!
أعرف أنها ما عايشت مسيرة المشكلة وهذا اللي يخليها ما تدرك كلامها فأكثر الناس معرفة بفترة التردد وصعوبتها وتضارب الأفراح والأحزان هو أنت ..يعني ما كانوا يحتاجون هالكلمة! لكن الله يهديهم على كل حال
أيضا بعض الردود ما تعرف طبيعة المشكلة وفهمت ان الابتعاد كان بسبب تقاليد عادية أقصد فيها أنهم فهموا ان الموضوع مثل انك من قبيلة فلان وهي قبيلة فلان أو لانك موظف في المكان الفلاني وهي في العلاني وفي ردهم شيء من مناقشة الموضوع فبصراحة خشيت انك تشعر بالندم نتيجة كلماتهم أو حروفهم يمكن لأني أنا نفسي كنت خايفة أكون تسببت في ألم لأي شخص آخر.. يمكن!
أثبت فعلا أنك ذيب وقدها!! ومو وبس كذا ان شاء الله انك ممن خاف مقام ربه ونهى النفس عن الهوى..
وأسأل الله أن تكون من صبر وظفر بجنة عرضها السماوات والأرض..

عموما شكرا على كلماتك..
بالتوفيق