ماشاء الله الردود كل مالها تزود00 بس بدون فايده00 المتزوجون00 يقولون كيت وكيت00 والعزاب
لا مش كيت وكيت!!!!!!
والله الشغله واضحه 00 مايبيلها كل هالكلام00
معليش اخوي اخطيت00 ابسولف هنا شوي00
بالامس كنت عازباء في بيت ابوي00 وكل الاحلام الورديه براسي تلعب00 كنت اوقول لنفسي انا ابصير
انسانه غير00 اقطر رومنسيه00 وبسوي وابفعل00 الخ00 يوم جاالنصيب00 وصرت في عالم المتزوجات
احلامي تحققت بس بدون الاكشن والاخراج اللي كنت مسويته00 طبعا كل هذا بشهر العسل00
اوخلينا نقول لين جت بنتي على الدنيا 00 وحياتنا تمام00 مع اني كم مره بغيت انفصل عنه ورغم هذا
لارضينا00 نصير اكثر رومنسيه وحب00 وتمسك00 ( صدق اللي قال المشاكل ملح الحياة)
المهم ياطويل العمر00 بعدها خفينا شوي شغلتا هالبنت00 صارت كل تفكيرنا00 وصارت حياتنا احلى
حياة عائليه وضحك وفرفشه 00 وصار لنا خط سير جديد 00 بالامس00 تلقانا مترززين بالمطاعم الرومنسيه
الهادئه 00 والسفر لماليزيا وطقته00 اما الحين ماخلينا ملاهي وحديقه حيوان ومحل العاب الا ودخلناه
حتى السفر00 نفكر نوديها لدزني اللي بفرنسا على حد ماسمعت00
ومع اننا نسينا حالنا00 بس مستمتعين 00
والله ياخوي اخطيت مايمر يوم الا كل واحد رامي على الثاني كلمه تزعجه00 بس سرعان مانرضى
تدري ليه 00 لأني عرفته حفظته بصم00 وهذي النقطه ركز عليها ابشرحها بعد شوي00
ادري انه يحبني وهو كذالك00
اخوي ما اذكر في يوم من الايام سويت على اللي يقولونه 00 الموضوع مايبيله كل المعدات00 والخرابيط
وبنفس الوقت ماني ضد التغيير بس بالمعقول00
الرجل كل اللي يطلبه من زوجه هي الانوثه 00 بمعنى الكلمه 00 وبعد ينهبل على الزوجه اللي فاهمته
وعارفه وش يبغى 00 وكذالك المبادره بكل شئ عطاء 00 حنان00 بكل شئ مادي ومعنوي
ابقولك على شغله 00 مره كان زوجي يتصفح المنتدى وقرا مثل هالمواضيع00 وانا كنت جنبه
وهو ميت من الضحك 00 قلت وش يضحك00 قال الحمد لله 00 احس اللي تسوي كذا مستخفه
وقلت ليه00 قال00 نحن يامعاشر الرجال كنا نحلم 00 كل يوم بالزوجه وهي لابسه قميص نوم وردي او ابيض00 اوحتى اسود00 وشعرها مفلول00 وهاديه وهامسه00 مهب مستخفه 00 تهبلبي
اذن 00خلاصه كلامي 00 اوجه لكل عازبه00 ان تطبقه00 حطي حيلك 00 بفهم زوجك في كل شئ
واذا فهمتيه طبقي كل رغباته اللي يحبها 00 بذالك تكسبين قلبه وتفكيره
وعذرا على الطاله00
يالله عسا كلامي مهب ثرثره على غير فايده00
اخوي اخطيت موضوعك يستحق ان نقف فيه وقفه طويله00 بالفعل له نظره بعيده المدى
بارك الله فيك