دوام الحال من المحال
انت مو متزوج لك جوهره وما تبيها تتغير ترى حتى الجوهره مع الزمن تتغير
وزوجتي حلوه حلوه بعيني ما دام انا راضي فيها واحبها
واللي يحب يحب كل شئ في الانسان اللي يحبه
يعني ( عين الرضى عن كل نفس كليلةُ وعين السخطِ تبدي المساويئا )
شيئ طبيعي انها تتغير مع الحمل والولاده وغيرها من أمور الحياه من كبر في السن وهموم ومشاكل الاولاد
وهذي سنه الحياة
والانسان لازم يشكر بدل ما يتدمر
ترى الحمل والذريه نعمه من رب العالمين
اللهم لا اعتارض على حكمك
انا مسكينه زوجتي في حملها طلع لها جم شخط يعني مال تمدد البطن
كسرت خاطري عبالي احد مشمخنها
لما سالتها من شمخك وجهها صار احمر وقالت لي هاي مال الحمل
طبعا اول تجربه ما عندي خبره
بس حسيت الامر عادي بس لو كنت ادري ما سالتها واحرجتها
يعني ما يوصل الامر الى اني اغير نظرتي عن زوجتي وأكره جسمها
هي اجمل امرأه في حياتي
فالجمال جمال الروح ليس جمال الشكل
فالجسد يبلى والروح تبقى
تحياتي