أنا مع كلام الأخ فاغر
الزوجه حسبتها غلط ،،، إن أنا ساعدته و مازلت أساعده في مصروف البيت و هو هيروح يصرف فلوسه هنا و هناك و احنا أولى بيها
و الزوج كمان كان حساس زيادة عن اللزوم و مش إداها فرصه توضح وجهة نظرها و لا حتى يتناقش معاها في قراره بإنه هيسافر أو يوضحلها وجهة نظره
المشكلة كلها إنه مش كان في حوار ما بينهم و ما بين بعض علشان كل واحد يوضح وجهة نظره
و مع احترامي لصديقك و لمشاعره لكن أفتكر إن جملة """إنها اشترتني و عاوزاني أقعد في البيت علشان هيه بتساعد في مصروف البيت"""
أعتقد إنه انفعال فقط وهي مش كانت أبداً مساعدتها ليه علشان تقعده في البيت و لا يروح هنا أو هنا
ممكن تكون غارت عليه بعد ما تعودت على وجوده معاها على طول إنه هيخرج لوحده مع أصحابه
و ممكن تكون كمان خافت عليه
و ممكن كمان تكون شافت إنها مصاريف همه أولى بيها
كل ده كان ممكن يوضحوه لبعض بنقاش هادئ و مش كانت الأمور أبداً وصلت لكده
ربنا يسعدهم و يهدي لهم الحال