هـــلا وغـــلا عزيزتي...عندي لج حــل سريع ومضمون بس محتاج ارادة..

هذا الرجيم عطاني إياه دكتور ومفيد جدا جدا ومفعوله سريع تنزلين 4 - 5 كيلو بالاسبوع

والطريقة هي: لازم تاكلين طول اليوم خيــار وتفــاح وعصيــر برتقال او جريب فروت..واذا تبين

تاكلين مشاوي او ارز عادي بس مقدار 8 ملاعق صغيره ارز او كمية صغيرة من المشاوي سواء

سمك او لحم او دجاج...بس قبل لا تتغدين كلي خيارتين او ثلاث مع تفاحه واشربي ماء مقدار

كوبين صدقيني بتحسين بشبع وبتقللين الاكل تدريجيا وبتتعودين على الخيار والتفاح.

( الخيار يخلص الجسم من السموم ، والتفاح يسد الشهية ويحسسج بالشبع )..

ولا تنسين الفطور لازم يكون خفيف ( 1 توست او بيضة واحده او روب مع التفاح والخيار طبعا ).

واهم شي المشي لمدة ساعه يوميا ...وبتلاحظين انج كل يوم تنقصين كيلو...

انا جربت هالرجيم بعد الولادة لان وزني زاد بعد ما كنت رشيقة واستفدت منه وااايد ، كنت آكل كل شي

بس بكمية قليلة لاني احس اني شبعانة طول الوقت والحين رجعت رشيقه مثل قبل والحمد لله..

اتمنى انج تستفيدين عزيزتي ...وربي يوفقـــج

اختــج....لمنـــي بشــــوق

__________________