متابعــــــــــة من أول ماكتبت مشكلتك ، وكنت متابعة من أيام خطبتك ويعلم الله

إني دعيت لك ربي يوفقك وييسر أمرك ..

لما قريت الموضوع هذا حاولت أرد عليك لكنـي ماقدرت !!!

إلا إني دعيت لك وقفلت هالموضوع

تدري ليش ؟!

لأني الآن أعيش نفس إحساسك وأشاركك نفس ضيقتك وهمك

الكلام اللي اقتبسته من كلامك ماتدري كيف أثر فيني !!

من قال إنك وحدك ؟!

واضح إنك إنسان حساس كثير وماألومك لما زعلت وتضايقت وعصبت كثير

ماأقلل من مشاعرك لكن مهما كان إنت رجـــل بتكون مشاعرك أقوى

من مشاعر أنثـــي ( إنرفضت )

موقفي صعب مثل صعوبة موقفك لكن فكــــر بمساحة أكبـــر

بإمكانك بإذن الله تخطب مرة ثانية ومش شرط سنتين مثل ماحددها أبوك

لأنه حاليا ً قالها لك في موقف صعب تمرون فيه جميعا ً

بكره إن شاءالله كل شي يتعدل ولأنك راسم لحياتك مسار في حدود رضى الله

وتخاف وتتقي الله في نفسك وإنت تعرف إنه كل شي متاح للجميع إنه يتمتع بحياته

كيفما يريد ولكنك وضعت لنفسك خطوط حمراء وعارف إنه ( كما تدين تدان )

ربي بيرزقك وبيعوضــك على قد نيتك باللي تستاهلك وتعينك وتعينها على الخير

الأعضاء ماقصروا وقرأت كل ردودهم علشان أرتــــــاح أنا لأني محتاجة لأي أحد يطمني

وأكيد إنت ارتحت أكثر وصرت تفكر بأفق أوسع من قبل ..

أخيرا ً .. تأكد بأنك لست وحـــــــدك أبد

وأنت تريد وأنا أريد والله يفعل مايريد

الله يرضينا بما كتبه لنا ويصبرنــــــــــــــا ويغنينا بحلاله عن حرامه

وفقك الله ويسر أمرك أينما كنت ..