السلام عليكم ورحمة الله وبركاته
أشكر جميع أخواني وأخواتي على ردودكم
ووالله في البداية كنت خايفة ان تقولون عني غيورة
وقلت احكيلكم القصة عشان تحكموا علي
انا ولله الحمد إنسانة طيبة وحبوبة وأحب الناس
واستغربت من كره أخت زوجي لي
رغم إني قابلتها بكل إحترام وتقدير
وللعلم صح أخته في مرحلة المراهقة لكن ماشاء الله عقلها أكبر من سنها
والدليل يوم اتصل أمها وصرخت بوجهي وصار اللي صار
وأنا رديت بالمثل واتصلت بأمها وقلتلها أمسكي بنتك عني
تخيلوا إنها بعد كم يوم من مكالمتي لأمها زارت أم زوجي
والصدمة إنه جلست تبكي عند رجولها وتحضنها وتدعي علي
عاد عمتي قالتلها لا تدعي على مرت أخوك هي ماسوت فيك شي
قالتلها مرت ولدك صارت صديقة ماما وتتكلم معاها وصاروا أصحاب (عمتي وأمها ....مشاكلxمشاكل)
يعني تبغى تسوي مشكلة بيني وبين عمتي
والحمد لله عمتي تعرفني وبالعكس كذبتها وقالتلها هذا الشي الوحيد اللي مااصدقه منك
يعني ماأدري اش أخرت هالبنت كل يوم تحاول تعمل مشاكل لي
وأنا الآن جدا متضايقة وأبكي قهر
للأسف اتصلت قبل يومين على أخوها وتقوله أنا تعبانة ومحتاجتك
وكاتبة رسايل أشعار وأغاني
والله إني صادقة بكل كلمة أقولها
وزوجي للأسف حن عليها وبدأ يكلمها
وأنا والله ماأمانع يكلم أخته بس شرط إني أكون على علم وهي كمان تعرف إني أدري بكل شي
وأمس صارت مشكلة لي مع زوجي لأنه ماصارحني
كلمها والله يعلم إن قابلها لكن ماعلمني
أنا اللي إكتشفت
وقلتله إني كتبت عنك وعن أختك بالمنتدى وإني مو واثقة فيك
وسبحان الله تجيني المفاجأة إني بالفعل مغفلة وماأدري وإنك تضحك علي
وخوفي وشكي كان بمحله
حبيت زوجي واحترمته والدليل إني بسامحه لما يغلط علي
أحاول إني اتناسى أمامه
لكن مابيدي غير الصبر عشان أكسب الأجر من رب العالمين
وعشان أولادي والعشرة اللي بينا
سامحك الله يازوجي العزيز
صح في مميزات وسمات كثير حلوة
وصح بينا لحظات جميلة لاتنسى لكن إنت تحاول إنك تنساها
سامحوني أشغلتكم بمشكلتي اللي يمكن بعض الناس يشوفها ماتستاهل
لكنها متعبتني ونفسيتي تسوء بسببها يوم بعد يوم
وجزاكم الله جميعا خير الجزاء