الله يعينك

شوف اخوي

ادخل معها من زاوية الدين وحقوق الزوج ولكن بهدوء وبطريقة مرتبة وجذابه

استخدم لغة الحوار معها ولا تيأس

جيب لها أشرطة وكتب تتحدث عن حقوق الزوج

إذا كانت رايقة جيب لها قصص عن زملاء لك وامدح زوجاتهم ( حتى لوكانت سواليف كذب )

قول لها عزمني واحد من زملائي وماشاء الله على زوجته طباخه ماهره وامدح أكلها وطريقة حياتها معه

حرك فيها دوافع الغيرة أولا وحاول انك تلمح لها أنك انسان نظيف مرتب تحب الزينه والجمال والأنوثة الساحرة

تزين لها انت وتعطر واكشخ قد ماتقدر

قول لها انت تستاهلي اتزين لك واكون قدامك بصورة جميلة

وامدح جمال روحها الداخلي ولاتحبطها

تدرج معها واصبر

عليك بالصبر أخي الكريم صدقني الصبر نتائجة رائعة ومثمرة

راح تخجل منك وتستحي لو شافتك تتزين لها وهي لاتبادلك نفس الشعور


أهم شي انك تثير الغيرة بداخلها

قول لها في البداية باجيب شغاله بس لازم تكون الشغاله حلووه وصغيره

بتسألك ليش وش تبي فيها حلوه وصغيره؟ تتزوجها؟


قول لها لا وليش اتزوجها وانا متزوج ... بس انا رجال احب الجمال والزينة والكشخه في البنت ماحبها عفشه

دقها بالكلام بس على خفيف لاتكثر حتى لاتضيق عليها

ذكرها بالله بين الحين والآخر وان الله يرضى عمن أرضت زوجها

إذا مانفع التذكير طنشها ولاكأنها موجوده داخل البيت

يعني الله يعينك يبغالك وقت حتى تتعدل بس تكسب أجر فيها

واستخدم جميع الوسائل .... ولاتقول تعبت

كلنا مثلك ياعزيزي مافيه زوجة كاملة مكمله

لازم تحصل خلل ..

أفضل من انك تتزوج وانت تخشى العواقب ؟ّّّّ!!!!

وفقك الله