الاثنين منهم ما عندهم سالفه
هو لأن ما كان له داعي يمزق الرسائل يعني حتى ولو إنه يحس إنها ما تعبر عنه في الوقت الحالي بس (شلون أعبر؟؟؟؟؟) يعني كانت في يوم من الأيام تعني له شي (يعني إذا يوم كاتب كتب كتاب مثلا و بعد فتره تغير اتجاهه و حس إن هالكتاب ما يعبر عنه أيش يسوي؟؟؟ يروح يجمع كل النسخ و يحرقهم؟؟؟؟؟؟؟؟؟)

بالنسبه للزوجه ما عندها سالفه ان تطلب الطلاق ... يعني مو معقول كل شي من طرف زوجها ما يجي على مزاجها تروح بيت أهلها و تقول له طلقني .. ما تمشي الحياة كذا .. يعني أوكي ممكن تبوز .. ممكن تبكي .. تحسسه بالذنب .. و تخليه يتأسف على اللي سواه .. أما كل صغيره و كبيره قالت طلقني ما يصير .. بالذات إن أنا ما أحس إن الموضوع يسوى الطلاق

أعذروني إذا كان كلامي شوي مو على بعضه بس تو راجعه من الجامعه و طاقتي 1%

__________________