من جديد بعد الله سبحانه وتعالى أجد نفسي
ألجأ لهذا المنتدى لعلمي بأن هناك اشخاص على وعي
واصحاب قلب كبير وخبره في الحياة يستطيعون سماعي
ومساعدتي،،
ومن جديد اكتب لكم عن مشكلة لاأجد لها سوى الطلاق حلاً
ولا أدري متى سيحدث هذا الطلاق لأنني في كل مرة اقول
لأضع ايجابيات زوجي في كفة وسلبياته في كفة أخرى واجد بأن ايجابياته
كثيرة وقد تفوق سلبياته ولكن مع هذا فإن كل غلطة بثمنها
والله اني ماني عارفة شنو اقول لكم الحزن وربي هد حيلي
خلاص ماني قادره اتحمل اي شي ولاني طايقه حتى اطالع في ويه
زوجي كرهته وكرهت العيشه معاه
اول ماتزوجته حصلت لي مشكله معاه لاني اكتشفت خيانته لي وانه يكلم
بنت من وراي ومع هذا سامحته بعد ما اعتذر لي وبكى جدامي وحسيت
منه الندم الصادق وبعد ماشفت نصايحكم في اني ما اتسرع واتطلق وانا في
بداية حياتي..
بعدها صارت لي مشكلة ثانية وهي اني اكتشفت انه يتفرج على قنوات...........
وكلمته بهالموضوع ونكر وقال انتي شفتيني؟ المشكلة اني ماشفته متلبس
بس كذا مرة آخذ الرموت كونترول بعده وارجع القناة السابقة واشوفها
خليعة والعياذ بالله وقلت له بهالشي وكان يقول انه يفتر على القنوات مو اكثر
وموقاصد شي قلت له طيب انا مابي هالقنوات في بيتي وابيك تشفرها خير شر
وكان يتعذر ويقول انه مايعرف يشفر وان الرسيفر محتاج تضبيط من اساسه!
قمت وجبت اخوي لأنه يفهم بسوالف الستالايت وخليته يشفر كل هالقنوات
اليووووووووووم صارت مشكلة يديده وهي اني فتحت جهاز الكمبيوتر وفتحت
المواقع الموجوده بالهستوري وشفت المواقع اللي فتحها زوجي في نفس اليوم
لأنها تتسجل مثل ما انتو عارفين بالهستوري وشفت انها مواقع (......................)
والاشد واعظم اني فتحت الريل بلاير وشفت افلام تهز البدن وماتدرون شصار في
اختكم وشلون تحطمت نفسيتها على طول سكرت الجهاز ورحت الصالة ابكي بحرقه
والله انه مادار في بالي اي شي غير الطلاق لأني وش انتظر منه؟ بس المشكلة اني حامل
في اواخر الشهر السابع ومن شدة بكائي سمعني هو وجاني وسالني وش فيج وتوه
بيحط يده على كتفي ووخرتها وقلت له الله يلعن الساعة اللي تزوجتك فيها وياليتني
ماحملت منك واستغرب من كلامي وقال ليش هالكلام على شنو وقلت له باللي شفته وحاول ينكر
بس قلت له هالمره ماتقدر تنكر لاني شايفه كلشي بعيوني وجيت وياه عالجهاز بوريه اللي شفته
بس هو عارف شنو الجريمه اللي سواها وعشان كذا غير الافلام وخلا بدلها موسيقى !
وتميت طول اليوم ما اكلمه ولاطايقه حتى اطالع في وجهه والحين فتحت الجهاز وفتحت الملفات
بالريل بلاير وشفته مخلي موسيقى وانا متأكده انه كان يطالع اشياء ثانيه وبعدها خلا الموسيقى
عشان يغطون وعشان مااكتشفه بدليل ان آخر ملف كان (...................)
ورحت له وقلت له توني اليوم كلمتك وهم رجعت للغلط انا مابقبل بشي غير الطلاق وماحسيته
مهتم
مشكلتي الحين شلون اواجه الموقف قدام اهلي شلون اقول لهم اني بتطلق؟ خصوصا واني
حامل وانتو عارفين الاهل غير ان زوجي في نظرهم شخص ملتزم ومحترم حاله حال كل الازواج
اللي ظاهرهم غير وداخلهم غير
ارجووووووووكم لاتخلوني تراني ضايقه فيني الدنيا
وابي اتطلق لأني اتحملت كثير وسامحت كثير ويمكن اصلا هذا
اللي خلاه يتمادى والله حرام حرام اللعب ببنات الناس والزواج منهم
وتحطيم مستقبلهم دامكم مو قد هالمسؤولية قدام ربكم وقدام انفسكم
لييييييييش تعذبونا معاكم
بانتظار ردودكم على احر من الجمر