اللهم اجعل ماأصابني تكفير ذنوب

من الاشياء اللي كانت تضايقني في أخذه للراتب اني مااشوفه يصرفها في شي لنا
احنا في شقة صغيرة وراسي وراسي
يعني مقاضينا ماراح تاخذ منه شي
وباعترافه اني ماني من النوع المتطلب وجب وجب
بس هو اسلوبه في الصرف موب مدروس
يعزم اي احد ويظهر اكثر من استطاعته في هالامور
يعطي بلاحدود لاي احد
لدرجة ان كثير ماخذين عنه فكرة انه كريم
اي احد يطلب منه سلف يعطيه
ولو جا يرجعها ان رجعها يقول له خذ نصها لك لانك محتاج
في العمل كل يوم هو اللي يباشر
وكل يوم ياخذ بيده شي لهم
يحب يهدي رؤساءه
انا اعتبره من الناس اللي يبالغون في اهتمامهم بنظرة الناس لهم
لاني لما اجي اروح لاهلي واقول له باخذ شي في يدي معهم مايقول شي بس بعدين يقول لي حطي ببالك مو كل ماتروحين تاخذين شي ترا ميزانيتنا ماتسمح
لو ابي ارسل شي من الغدا لاحد بما ان احنا ثنين وكثير علينا الاكل يقول ليه ماعندهم اكل؟
ولما اناقشه يقول اهم شي ماراحت فلوسي في حرام ولامخدرات ولا سجاير وانتي واثقة فيني ومتأكدة وعارفة اني بصرفها في شي حلال!
واذا احتد النقاش قال ان ملكية راتبي انتقلت مني له برضاي وهو حر في صرفها مادام مافيها شي حرام حتى لو صرفها على عياله وزوجته!!
انقهر لما نفسي في شي يقول ميزانيتنا ماتسمح او يجي رمضان ويطلع وانا ابي اشتري صحون واشياء للمطبخ ويقول ماله داعي ..يعني لو راتبي عندي خذت اللي نفسي فيه على الاقل مو لا كذا ولا كذا وانا مثله اتعب في شغلي وشغل البيت ولا احصل شي!

اللهم ارحمني برحمتك واغمرني بفضلك واجعلني من الصابرين وثبتني على ذلك
اللهم اقدر لي خير الامور ياأرحم الراحمين