السلام عليكم ورحمة الله

لا فض فوك يابسمة رضا:
" كم من رجل قد ودعته الرجولة ..وانطلق في طرقات الحياة متغافلا عن حاله ..يبحث عن أنثى ..ليضيفها إلى قائمة ..المطلقات ..تكرما منه حتى لا تبقى عانسا !!!!!!!!!!!!!!!!!!!!!!"
انا مامدحته..انا ارجع بكم لورااااا لما جيت اتزوجه..
عيبه الظاهر بس انه كان متزوج..وماشفت شي غيره..بالعكس كان لابس ثوب الرجل اللي يخاف الله ويبحث عن رضاه ومايهمه الا ان يعوض سنوات الشقاء اللي عاشها مع زوجته الاولى..
اكثر شي خلاني اتشجع اني اتزوجه اني حسبته والله حسيبه انه رجل يخاف الله ويعرف الشرع..
وماعلينا من الماضي..
انا ماني في بيته..انا في بيت اهلي لاني تعبانة وقلت له اللي بينا اذا بيستمر يستمر صح او ينتهي الحين وانا احدد النهاية ماانتظرها..
تكلمت مع امي في الموضوع وصارحتها بكل شي (الا موضوع القرض لاني غلطااااااانة وماتحمل كلام في هالموضوع اكثر) وامي الحمد لله انسانة عاقلة وحكيمة..
قالت يابنتي انتي صاحبة المعروف عليه من يوم تزوجتيه..اذا هو بيتعدل ويعرف اللي له واللي عليه ولا ترا ماعليه حسافة..
تحملتيه الى درجة لاتحتمل ومحد يوصل المرحلة اللي وصلتي لها ولا نصها..

اشكر لكم تفاعلكم ونصائحكم ودعواتكم
مستمرة في الاستخارة والله يقدم خير الامور لي ولكم
وجزاكم الله على دعمكم خير الجزاء