الله يعينج ويصبرج يا بحرينيه
والله اني احبج من اسلوبج في التعامل وطريقة ردودج
بالنسبه لي ماعندي خبرة في طريقة التعامل مع الاطفال .. لي الحين مو متزوجه
بس اشوف وايد برامج عن طريقة التربيه وطرق التعامل معاهم
اهم شي ابيج تعرفينه اني شفت مشاكل اكبر من مشكلتج بوااااااااااااايد
الاطفال فيها يسوون روحهم مريضين .. يصيحون .. يستفرغون .. يسوون اي شي بس عشان ترضخين لمطالبهم
بس اذا صرتي صارمه وياهم بيعرفون انه رايج اهو اللي بيمشي في الاخير
في نصيحه سمعتها مره
بعض الاطفال مايحبون انج تملين عليهم تصرفاتهم
خصوصا البكر منهم << يحبون يسيطرون على الوضع
فاحسن طريقة انج تعلمينهم من قبل شبتسوين
مثلا ..
تقولين لبنتج عقب شوي بناكل الغدا واذا خلصنا ناكل الحلى .. وتنفذين اللي تقولينه
عشان تحط ببالها ان الحلى في القائمه وانج ماتعطينها الاكل عشان تصرف نظر عن الحلويات
بس الفرق هني انها بتكون شبعانه من الوجبه الرئيسيه او على الاقل بطنها مو فاضي لما تاكل الحلويات
ما ادري خبرتي محدوده بس ان شاء الله ردي ماضايقج على الاقل
اسأل الله العظيم أن يسخر لج اهل زوجج
في حفظ الله
ومبروك على زواج اخوج حبيبتي : )