السلام عليكم ورحمة الله وبركاته
الى إخواني وأخواتي في المنتدى ...
احس نفسي مضاااااااااايقه من الدنيا هذي كلها ... وأحب أفضفض لكم كل إلي في قلبي لكم
وفي الوقت هذا الي اكتبه لكم والدموع منهمرة على خدي لا ادري ما السبب ولكن نفسي مضايقه من كل شي سويته في حياتي ....
احب اقول قصتي بتفاصيلها في حياتي من يوم ما دخلت الكليه ومن يوم عرفت النت ...
انا فتاه ابلغ من العمر 20 سنه وكانت هذي المرحله اول مرحله لي في التعرف على النت وكان السبب الكليه
كانت تتطلب النت بسبب البحوث ... المهم كان البنات يقولولي عن الشات وشوفي ومرره حلو و وناسه وراح تنبسطي وانا اصلا طبعي خجول جدا وكان يقوله البنات راح تتجرئي عن طريق الشات وباالفعل فتحت الشات ودخلت وصار يعجبني وبعدها با التدريج سويت ايميل وبعد الايميل هذا طبعا تعارف اقرب واقرب واقرب وخراااب اكثر اتعرفت على عدت اشخاص ومن جنسيات متعدده ومهن مختلفه وكان اول شخص اتعرفت عليه في الشات كان طالب مثلي وفي نفس التخصص وصرت احب اتكلم معاه دايم وافتح النت بشكل مستمر ولي عدت ساعات وطبعا اضفت اشخاص على الماسنجر غيره بس هو كان غيرهم وفي يوم من الايام حبيت اكلمه وهو اعطاني رقمه من قبل اذا كنت ابغى أي شي يساعدني ومن طبيعت تخصص انجليزي وانا ماني شاطره با الانجليزي مررره ومرره حبيت اسأل عن شي وعشانه شي طبي ما عرفت افهمه با المترجم قلت يا الله خليني اتصل ومنها اسمع صوته وقبل لا اتصل سالت البنت هذي وش رايك قالتلي جربي وشوفي وباالفعل اتصلت وكلمته وهو ساعدني مررره وفوق ما تصوره واعطاني كل المعلومات وعجبني طريقة اسلوبه وصرت اكلمه وفي نفس الوقت افتح الشات وحبيت الشخص هذا باالرغم اني افتح الشات وعندي في الماسنجر اشخاص كثير وكان الشخص هذا قريب مررره مني وخلال سنه طفشت منه مع انه طيب وخلوق وما عمري اتوقعت في انسان كذا وبعدها وحده من البنات قالتلي عن الشريحه بدون اسم وقالتلي منها نتونس ونتريق ونستهبل على الشباب قلت حلو خلاص انت جيبي الشريحه وبا الفعل صار عندي شريحه بدون اسم وكلمت برضه شخص ثاني وفي نفس التخصص بس هو متخرج ومتوظف وكان يكلمني عن كل شي في حياته حتى اهله كنت اعرف عنه حتى اصوات اهله سمعتها لانه لما يتصله على البيت هو يحط على الاسبكر وكمان طفشت من الشخص هذا مع انه هذا الشخص مرره كان يعجبني لانه كان اكبر مني صح بكم سنه بس احسن من الاول وبعدها اتعرفت كمان على شخص كان بس حق تريقه ومزح وكان مدرس وكمان تخصص انجليزي وساعدني في بحوث طبعا يرسلها عن طريق الايميل وبعدها كمان طفشت منه وكمان الشريحه هذي انحرقت ورجعت للنت بشكل اكبر والشات اكثر واكثر واقعد با الست والعشر ساعات على النت وكل هذا على الشات الكتابي والموجودين على الماسنجر وكل واحد يقول كلام حب والي يتريق والا وناسه معاه بس في يوم من الايام شفت شات مكتوب الشات الصوتي وقلت يا بنت ليش ما تجربي وتدخلي الشات الصوتي وباالفعل دخلته وما عجبني في البدايه وكان في واحد قالي تعال الشات هذا ورحت ومرره عجبني لانه كان تريقه وضحك وانا من طبعي احب التريقه والوناسه وما احب الي في كلام حب ومسخره وبعدها قعدت كمان على الشات هذا تقريبا اربع شهور اتعرفت على واحد هناك كان مررره يتريق درجه اولى ومررره كان يعجبني وطلب ايميلي واتعرفت عليه وكان بيننا ماسنجر وشات صوتي وفي بداية ما دخلت الشات الصوتي كنت ادخل با اسم بنت وبعدين صرت احب ادخل با اسم ولد عشان اخذ راحتي في الكلام ومحد يعرف اني بنت غير شخصين كان في الشات لانه ما كنت اخذ المايك كنت كتابي بس كنت مرره اتونس لما ادخل وبعدها اتقربت لي الشخص الي اخذ ايميلي وبداء بيننا تعارف تقدررررره تقوله هذا الشخص عرف كل شي في حياتي واصغر تفاصيل حياتي قلته له وبعدها انا شفت صوره وبعدها اخذت رقمه وكلمته من رقمي الاساسي وكان أي مشكله اطيح فيها كنت اقوله هي وكان يساعدني ويقولي سوي كذا ولا تسوي كذا المهم بعدها انا طنشته وقلت له لا تتصل على رقمي اهلي اخذه عشان ابغى اصرفه وماابي اتكلم معاه بشكل يومي عارفين ليش لانه جاتني شريحه بدون اسم ثانيه ورجعت لي الشات الكتابي واتعرفت على اشخاص وكل الي تحط بيدهم كنت اقدر اضحك عليهم كلهم وكنت اضحك عليهم كلهم حتى مررره واحد اتعرفت عليه في الشات على اساس انه بنت بس لما كلمته طلع ولد مع انه كان يقلد صوت البنات وكان درجه اولى في التقليد وعلى اني بنت واقدر افرق بين البنت والولد قدرت اطلع انه ولد المهم بعدها صرت مرره اتكلم مع الشخص هذا وقعدت اساله ليش انت تقلد اصوات البنات قالي عشان اضحك على الغنم الشباب والله لما قالها يا اني موت ضحك وقالي اخذ بطايق شحن بشكل فوق ما تصوري قلت وكيف تاخذ منهم قال ......... انت فاهمين وش اقصد قلت والله انك مصيبه وصار كل ما شحن هو يحولي بدون ما اطلبه نهائي وما عمري اخذت بطاقة شحن غير منه هو وكان يحول كذا ومرره قالي جربي قلت انا ما احب كلام الحب احب اتكلم واتريق اما الكلام الماسخ ما احبه وبعدها قعدت معاه فتررره وطفشت منه واعطيت الشريحه لي البنت الي جابتها ورجعت لي الشات الصوتي ورجعت لي الشخص الي اكلمه بزياده وكل مالها علاقتي معاه تزيد بعدها اتعرفت على واحد برضه كان موجود باالشات وكان صاحب الشخص الي اتعرفت عليه باالمرررره وعشت قصة حب مع صاحبه بدون علمه هو حتى صاحبه كمان ما قاله انه اكلمه لانه هو حبني على الرغم انه الشخص الثاني كان من خارج المملكه وكان يكلمني باالجوال باالرغم الشخص الاول الي عرفته بالشات الصوتي احسه اهلى وحبيب وصاحب واب وكل شي بس مدري ليش كلمت صاحبه الي في خارج المملكه وبعدها انا عرفت انه الشخص الي اعتبرته كل شي طلع ماهو سعودي من جد صدمني لما قالي انا ماني سعودي انا ....... قعدت فتره مادخل شات وحتى لما يتصل ما ارد عليه وبعدها رجعت اكلمه لانه هو كان اقرب شخص عزيته ويعرف كل شي عني بصدق وبعده هذا كله رجعت وجبت شريحه بدون اسم غيرها واعطيته كم شخص وكلمت عدت اشخاص وعلقت ناس فيني لدرجه فوق ما تصوره وكل هذا بس ابغى اتسلى فيهم وقلت بس قصه وحده من الي سويته لي الشخص الي اعتبرته كل شي في حياتي وقام يقولي سيبي الشي هذا وقعد ينصحني وفي الوقت هذا برضه كنت اكلم صاحبه وبعدها جاني كم شخص خطبوني وكان يقولي اقبلي وعيشي حياتك وسيبيكي من النت وكنت مصررره ما ابغى ازوج لي اسباب صارت لي وانا صغيره الين ما اتقدم شخص الكل يمدح في وعلى طيبيته وعلى كل شي وكان اهلي مصرين عليه وكمان هذا الشخص اصرررر اني اوافق وقال انت شوفي واذا ارتحتي اقبلي واستخيري ومن الكلام هذا وباالفعل صارت الشوفه وارتحت له وكان بيننا 4 شهور فترت خطوبه وفي نفس الوقت كنت اكلم الشخص الي خلاني اوافق باالرغم انه حاول يبعد عني بس انا كنت خلااص اتعلقت فيه باالذات من اول يعرف عني كل شي وهو حتى صار يسال عن خطيبي في العمل وفي حارته والكل مدح فيه وصار يقولي خلاص وافقي على الملكه والله ما راح تلاقي انسان مثله وعلى مسؤوليتي وبالفعل صارت ألملكه وانا من قبل كلمته خلال الخطوبه وفي البدايه تعارفنا قبل الملكه انا ما كنت احب اكلمه واطلع الف شي عشان يبعد واعلل في كل شي لدرجه كنت اقوله لو اخر انسان في حياتي ما راح اخذك انت ما تفهم وغيرها من الكلام الي لو رجل غيره ما راح يتحمل وكان اذا غيره يقول في الف بنت ماهو بس هي بس هو اتحملني الين وقت الملكه واتعرفت عليه بكل شي حتى لما جت الملكه كنت خلاص اعرفه بشكل واضح
وحبيته عشان طيبته لانه انســـان طيب بشكل فوق ما تصوره وما عمري شفت رجل باالطيبه هذي اتقربت له كثيررر وصرت كل بعد اسبوعين اكلم الشخص الي اعتبره اهلي وكان ينصحني في اشياء كثيره ويقولي الرجل يحب كذا وكذا ولا تسوي كذا وخليك كذا
خطيبي هذا معروووف بين الناس انه مرره خجول جدا حتى انه حال نفسه حتى انه جواله ما غيره غير لما خطبني من الجوالات الحديثه الي باالبلوتوث وكان ماله في البنات على الرغم انه ماهو صغير عمره 28 سنه واتوقعت انه وراء تجارب مع البنات وكنت في بدايت ماقبلتنا اخجل منه بس بعد تقريبا شهر صار بيننا الاحضان والبوس وكل هذا وانا مررره خايفه انه يحسبني اني انا جريئه معاه باالرغم اني قدام العالم كله انا خجوله واستحي واني هادئه حتى لدرجه لما يجي اهله اندس وراء امي من كثر خجل من الحريم ولا تستغربه لو اقولكم هذا الكلام با الرغم اني كنت جرئيه اني اتكلمت مع الشباب بس والله مرره اخجل من الاقارب والحريم فوق ما تصوره ما عدا خطيبي ( زوجي ) مااحس اني اخجل باالمرره واحس اني جريئه مررره حتى ما استحي من لبسي معاه لانه ما عمري دخلت با البس الطويل قدامه نهائي وما استحي منه وانا خايفه مررره انه راح ياخذ عني فكره سيئه عني باالذات مرره في فترة الخطوبه قبل الملكه كنت ابغى ارسل رساله لي الشخص القريب مني بدل ما ارسله له ارسلتها لي خطيبي والمصيبه الي اكبر كان مكتوب اسم هذا الشخص في الرساله وباالغصيبه طلعت عذر له واول بكى كنت اشوفها من خطيبي في اليوم هذاك وشفت يومتها الموت لما سمعته يبكي لانه ما اتوقعت هذي ردت فعله اتوقعت انه الي راح يسوي يسبني باالذات كان وقتها ما صار ملكه بيننا ..
المهم ابي اقولكم امس لما جاء هو صار كل شي تتوقع بيننا ما عدا حق الزواج وانا مرررررره خايفه منه اني ياخذ فكره سيئه عني والله انا الحين احبه لانه مستحيل راح الاقي شخص مثله وانا الحين خلااااص سيبت كل شي كنت اسويه اول بس انا خايفه من كل شي سويته اول في حياتي وخايفه اكثرررررررررر من انه يفهم جراءتي بشي ثاني لانه مسك جسمي كله وانت فاهمين وش اقصد بليز قولولي وش اسوي في الي صار معايه امس انا احس انه هذا عشان من الذنوب الي سويته اول في حياتي ... والله الحين ندمت عن كل شي وانا ما ابغى اخسره لانه والله ياعلم شخص طيب وحبوب ورومنسي وكل الصفات الحلوه فيه وما اتوقع في شخص راح يتحمل دلعي وخصامي مثله هو
هل انا غلطت لما وافقته انه يحظني و انه يبوسني ويمسكني بس ما صار حق الزواج معايه هذا الشي الوحيده الي ما صار بس الباقي كله صار


واسفه جدااااااا على اطالتي بس والله نفسي اطلع كل شي في نفسي عشان افتك من الي في قلبي لانه اذا ما قلته احس اني راح ارجع لي الغلط مررره ثانيه حتى لو انا مزوجه اخاف ارجع مررره ثانيه كذا اتكلمت معاكم واتمنى تنصحوني بأي شي

اخــــــــــــــــــــــــتكم رهف