ماني عارفه كيف ابدأ ووش اكتب الرعشه جمدت اصابعي و شلت لساني
والله اكتب لكم ودموعي تسيل على وجهي
آه ياحسرتي ليتني سمعت وصية اخواتي
آه ليه يجرحني وأنا احبه وأعشقه
وش ذنبي لماوثقت فيه واستجبت لطلباته ورغباته
اليكم ماحصل بيني وبين أمل عمري.......
أنامملكه من 3 سنين وكنت اقرأبالمنتدى ويحكون لي صديقاتي عن حدود علاقتهم مع ازواجهم
كنت اغبطهم كنت اتمنى لوقبله وحده أوحتى حضنه اريح فيها قلبي من ألم البعد والفراق
صحيح أن طبعي إني استحي بس أظل انثى عاطفيه احلم برومنسيات فارس احلامي خاصه وإن عواطفي جياشه
آه حدودي معه كانت مصافحه تخيلوا خلال السنين الماضيه يغيب شهور ولما أشوفه يصافحني وأنا بزاويه وهو بزاويه وحتى عيني ما ارفعها بعينه
والله إني كنت اجهل ملامحه كنت اتمنى انه يساعدني واتخلص من هالخجل اللي ماله داعي
بس اللي يصبرني إن البيئه اللي عاش فيها ناشفه وكنت أقول إن شاء الله أغيره
حتى اختي كانت تقول لي كنت أحن عليك وأقول سبحان الله خطيبها عكسهاوكنت أكابر واقولها ماتدري ربما هو رومانسي بس تعرفيني أقدس الأسرار
الشاهد جاء الفرج واستبشرت بالصيفيه اجتمعنا احنا وأهله "هوولدعمي" فكانت زيارته بكثره لأنه البيوت متجاوره فكانت كل اسبوع ثم مرتين إلى 3 بالأسبوع بعدما كانت زيارتين في السنه
وفي احد زياراته قبلني على جبيني بكل عفويه انا استحيت وقعدت ارتجف
وفجأه اسمع صوت احد يبكي رفعت راسي لقيته أمل عمري انفجعت ونسيت الخجل وراحت الرعشه وقمت بجنبه أهدي فيه إلا وانفجر يشتكي من الكبت والحرمان وإن فترة الملكه طولت واحنا نتعذب وقعدت ابكي معاه وحطيت يدي بيده
وفجاه إلا انهالت علي قبلات واحضان وانا حاسه بخجل ودي اصرخ بس كبت نفسي عشان خاطره صحيح كنت قاسيه ولاتفاعلت معاه بس غصبا عني حتى قالي بعد الزياره كنت مثل الأطفال احاول امسك وجهك وتلفين يمين وشمال
بعدهالزياره بدأ يطلب مني إني اتفاعل معاه وإنه زوجي فترددت لأسباب:
اخواتي كانوا يقولون لي إنه بعدين يسبك وبيقولك إنك كنت جريئه فكنت اقولهم انا اشوف صديقاتي واقرأبالمنتديات الناس تغيرت وبعدين هو يطلبني هالشئ والله إنها قالت اختي بالحرف الواحد حتى لوطلبك الحين وتوددلك لاتأمنينه بعدين يسبك وإنت وراحتك
والله إني كنت عايشه قلق أحن عليه وعلى رسايله حتى لازالت عندي بالحارس الذكي وكيف يتعذب ويتخيل وانه يحبني بس مايعجبه حياءي الزايد..........الخ
واستشرت احد المشايخ فقالي هو زوجك وافعلي ماشئتي لكن اقلها اتركي الباب مفتوح حتى ما يصير شئ أكبر"اكيد فهمتوا" وقتها تطيح الزوجه من عين زوجهافتحمست وحسيت إني بدأت اتقبل الفكره
وآخر اسبوعين بالصيفيه تخللتها6زيارات بدأت اتعاطف معاه وحدودنا بوسات وأحضان
وكانت وربي من أروع ايام حياتي
الآن بدأنا نسترجع ذكرياتناوكلما استرجعناها يقول لي



كنت جريئه
وكذا مره يردد هالكلمه وكنت أكابر وأقوله الحمدلله اهم شئ ارضيت أمل عمري وحبيب قلبي
المصيبه قبل شوي قال كلمه ........................ خلاص انصدمت بس اضاف عليها
"كنت جريئه مقارنه بحياء البنات وشكاويهم من جرئة ازواجهم "
إيش هالتناقض خلاص شبع
آآآآآآآآآآآآآآه
ياناس تكفون أنا بانجن بأمووووت كأنه كان حاس بالشئ اللي كنت متخوفه منه
ياناس كبت بقلبي أنوثتي وحبي للأحضان والدلال منه طووول ال3 سنوات
3 سنوات مو هينه ياما عرفت بنات انخطبوا وملكوا وخلفوا خلالها"ماشاء الله ,الله يوفقهم"وأنا لازلت مخطوبه
ياناس أنا أحبه وهو يحبني طيب ليه يقولي كذا والله لازالت رسايله عندي وترجيه لي
والله حتى البوسه كان يطلبها مني وكنت اتمنع
كنت احس بالذنب تجاهه ولازلت لأني مافجرت الحب اللي بقلبي
طيب وش اسوي معه
ليش يقارن "كنت جريئه مقارنه بحياء البنات وشكاويهم من جرئة ازواجهم "
تكفون ابي مساعدتكم
اكيدكلامي مو مرتب بس خلاص بانفجر من الصداع والألم وأذن الفجر ولاحتى نمت ووراي جامعه

ابي منكم حل وش أقوله كيف اتصرف
مستحيل اصبر هو يكرر هالكلمه علي