بعض الأمور لازم الزوجة ماتقولها للزوج ..
مو مسألة مصارحة أو إنها تخبي عليه ..
بس في أمور مايكون لها علاقة بالزوج عشان تنقال ..
ومع إني أنصح بهالكلام إللي فوق ..
إلا إني أكثر إنسانة ماتطبقه ..
والظاهر إن زوجتك مثلي ..
أنا عجزت ..
حاولت ما اقول له ..
وإذا حدث أمر أسكت يوم يومين .. ثالث يوم ما أستحمل أحس ضميري يأنبني أني خبيت الموضوع عنه ..
حتى لو كان ماله خص فيه بتاتا .. فأرجع أقول له .. وبعدها طبعا أندم ..
واحاول أنسيه الكلام اللي قلته له .. لكن بعد أيش ؟؟

المهم يا أخوي ..
هذا الموضوع مايسوى إنك تتضايق منه ..
ولا تنكر إنك زعلت وتضايقت ..
خصوصا إنها أختارتك وماختارته ..
وهو بصراحة إنسان طيب لأنه مارضى إنه يسمع سيرتها مرة ثانية ..
نسمع عن ناس بنفس الحالة ما يتركون البنت بحالها إذا انخطبت ..
ويسألون عنها وعن تفاصيل حياتها كلها ..
مستانسة .. فرحانه .. حزينة .. ندمانة .. كلللل شي ..
وماكان المفروض إنك تسأل عن اسمه ..


خلاص إنت لاتجيب طاري الموضوع مرة ثانية .. وهو شوي شوي راح يروح من بالك وبال خطيبتك ..
وإذا سألتك إذا إنت زعلان .. عطها كلام حلو واضحك وتبسم وقول لها وأنا أقدر أزعل على حبيبتي ..
وإنتي ماغلطتي بشي .. ومن هالكلام ..

والله يوفقكم ويهنيكم مع بعض ..