لا أزكي على الله أعمالي و لكن أنا بس هقولكم علشان تقولولي إيه اللي أستمر عليه و إيه اللي لازم أزوده علشان أتخلص من السحر اللعين

الحمد لله رب العالمين مش بيفوت مني فرض إلا في الحالات الشديدة جداً جداً جداً و بكون بعتصر من الألم و أنا مفوتاه

الحمد لله رب العالمين أقوم الليل بنصف جزء من القرآن يومياً و أصلي الفجر في وقته إلا ما ندر

أقرأ الأذكار (أذكار الصباح و الركوب و الخروج من المنزل و الذكر بعد الصلاة ،، لكن كتير بنسى أذكار المساء و غالباً بقرأ أذكار النوم لكن بنام قبل ما بكملها

الحمد لله رب العالمين بصوم و مش عاوزة أقولكم بصوم قد إيه ،، لكن و لله الحمد تقريباً على طول صايمة لأن الصيام من العبادات المحببه جداً جداً لقلبي

بحاول على قد ما أقدر أحافظ على السنن لكن بصراحة مداومة على سنة الفجر و العشاء أكتر من غيرهم

اللي ملاحظاه كمان يا جماعة الخير ، إن كل العبادات اللي بأديها و أعلم أنها قليلة لكن مش بأديها بقلبي بأديها بجوارحي فقط

زمان كنت بحس بالسعادة و أنا بأدي العبادة و كان سهل عليه إني أستحضر الخشوع فيها ، لكن دلوقتي بأديها من غير روح ، لدرجة إني أحياناً بيأس من نفسي و أحس إنها مش هتقبل مني بسبب قلة خشوعي . لما بقوم للصلاة ، استغفر الله العظيم بحس إني قايمة بثقل على قلبي و أكتافي مع إن و لله الحمد بصلي بتمهل على قد ما بقدر و لا أزكي على الله شئ

طولت عليكم جداً جداً أنا عارفه و تعبتكم بالقراءة و كمان بالهموم لكن من امبارح و أنا مش عارفه أعمل إيه ؟ و انتم أول شئ جي في بالي أول ما صحيت من الحلم اللي شفته

موضوعي مركب و ينقسم لشقين ، شق مع زوجي و شق مع السحر لكن للأسف مش ينفع نفصل شئ عن شئ

شئ أخير هتقل عليكم فيه ،،، إزاي أعرف إن اللي أنا فيه ده من سحر و لا من القرين ؟؟؟؟؟ ممكن أبقى أحكي الحلم اللي شفته بعد كده لأي عضو ممكن يكون عارف في الحاجات دي لكن هيكون طبعاً بناءاً على طلبكم