شكرا لك اختي بسمة رضا على هالموضوع و الله يسعدك لأني الصبح كنت متزاعلة مع زوجي و لمابلشت اتذكر المواقف الحلوه دمعتي نزلت و حكيت معاه على الشغل و تصالحنا قبل ما ارد عليكم ....
مواقف زوجي المنيحه و الي ما بنساها كتير و المواقف السيئة ما شاء الله عليها اكتر .........
بس هلا شو بدنا بالسيئ ...
اكتر موقف ما بنساه انو انا تزوجت و لسه باقي علي دراسة 3 سنين و زوجي اتعهد لبابا انو اكمل الدراسة و كان كلام رجال...
اتزوجت و اتغير الحال و بلشت الانتفاضة و بيتنا كان ببلد .........و شغل زوجي ببلد............و جامعتي ببلد....
بقيت ادرس مع ابني 3 سنين وانا بعيده عنو ..........ما شاف طفولة ابنه....و لما كان ييجي عند اهلي يزورني و يزور ابنه لاني ما بقدر اقطع حواجز كان ييجي و هو بستحي ...
ما بعرف يمزح معي و لا يتحدث معي ...بتذكر انا كنا بنتوشوش لما نحكي...و الي الأدهى من هيك انو كان ابنه ما يرضاه لما ييجي و يحسة غريب و يروح عند خواله...
و لما خلصت دراسة ما قبل اسكن في بيتنا بل استأجر بيت محل شغلة و هلا الحمد لله صرلي مخلصا الدراسة سنتين و جبت بنت تانيه و هو بموت عليها ...كل ما يشوف حركة من حركاتها بنجن و بكون يضحك متل الصغار و بحزن نفس الوقت لانو ما بعرف شي عن طفولة ابنه ...و المواقف كتير بس هدا الموقف ما بنساله اياه و وقتها لو قلي ما تكملي دراستك ما بلومة لانه وضعناه كان يرثا له بس هو صبر علشانابوي اولا و علشان يضمن مستقبلي بشهادة اعيش منها لو صرلو شي لا سمح الله