اني مريت بالهتجربة
بالاول مدة خطوبتي طويلة حوالي 6 سنوات واهل زوجي وبالخصوص والدته اهي اللي ما تركتني في حال رغم ان اهلي مقدرين ظروف زوجي الصعبة و لآنهم يشوفون زوجي شلون كان يصارع الريح والموج علشان يوقف على رجله يعني ماماخد راحته مرواح ومجي
تلاها بعد زواجي ان الحمل تأخر سنتين تقريبا ..
أهلي يعتبرون هالموضوع خاص فيني وفي زوجي فمحد منهم تدخل بس الكلام والهدرة وصلني من ام زوجي عن طريق بناتها و جناتها ..
في بداية الزواج كأي عروسين يستحون من هالموضوع فكنت ابتسم واسكت على امل مو اليوم بكرة بس لمن الموضوع تأخر شوي والكلام ما يزال يوصلني أهني حطيت خط أحمر وشديد الحمرة بعد علشان محد يتعدى على خصوصياتي
قلت لمرة حماي اللي جابت لي الكلام عن قلق ام زوجي ان كلام يوصلش ويتعداش لكل خوات زوجك ولأم زوجك بالتحديد ان الموضوع خاص فيني وفي زوجي وكل عائلة لها اسرارها واني وحدة ما ابي بعد هاليوم احد منكم يفتح لي الموضوع و قلت لها تخص ام زوجي بالكلام ليه جبت الولد لو البنت محد بيقعد يربيه غيري فلا تشيل همي اهي مب ناقصتني
ان الله رزقنا فهذا من كرمة ورأفته واحسانه وان ما عطانا فهذه رحمته ...
ودارت الايام والحمد لله الله عطاني
قومي يا ام زوجي وولدي في الشهر الثاني اشتغلي علي من جديد
زوجة فلان اللي ولدت اياي في نفس الفترة أكاهي حامل
فقلت ليه عليها بالعافية ليش تبيني ادخل سباق واياها
واتصور ام زوجي رغم انها تحبني اني بعد ما تتحملني في هالموضوع
ولدي قريب يكمل السنتين والنص واني للحين ما فكرت أحمل من جديد
ويمكن بعد فترة تدز على المنذوبين ...