الله يسهلك امرك
اذا كان ابوك زي ماتقولين صايم مصلي ورجل محترم انا اتوقع بنسبة كبيرة ان يكون ابوك متزوجها لان صفات ابوك في الغالب ماتنطبق على المتلاعبين في اعراض الناس فالانسان الذي يصلي ويصوم ويخاف ربه ومحترم لا ورجل كبير في السن وحتى زوجته تحترمه لا اتوقع منه التلاعب في اعراض الناس او الوقوع في العلاقات المحرمة
وفيه نقطة مهمة لو كان ابوك راعي علاقات راح تلقين في جواله رقم اكثر من وحده لان هذا طبعهم وحده ماتكفي
وكذلك ابوك ماتغير على امك ولو كان صاحب علاقات اكيد راح يتغير على امك لان الحرام يغير النفوس
وانتي الله يهديك على طول ظلمتي ابوك وظنيتي فيه ظن السوء قبل ان تتاكدي حتى لو البنت ماعرفت رقمك ماهو دليل على انها ماهي زوجة ابوك يمكن ابوك ما اعطاها الرقم لانه ماتوقع احد يكشفه
وانا اتوقع انه متزوجها زواج مسيار او زواج كامل
اللمهم اذا بغيتي تحلين المسألة لازم تطولين بالك وتكون اعصابك باردة ومخرجك الوحيد للتاكد هو عن طريق البنت وانت وشطارتك يعني حاولي انك تدخلين معاها بس برقم غير رقمك الذي يعرفه ابوك وبعد ماتتوطد العلاقة بينكم تقدرين تعرفين كل شيئ منها
واياك ان تخبري امك حتى لاسمح الله ان تاكدت ان العلاقة محرمة لان هذا راح يخرب بيتها ويصدمها نفسيا لا ويمكن يقضي عليها لا وازيدك ان ابوك ماراح يرتدع حتى لو عرفتوا
يعني في اسوأ الاحوال لا تعلمين امك ولا تواجهين ابوك بل مثلما قالوا لك الاخوان حاولي ان تستشيريه في قصة مثل قصته حدثت مع احدى زميلاتك في الجامعه
ومالك الا النصح والدعاء له بظهر الغيب لانه حتى لو طفشتي البنت هذي راح يتعرف على غيرها واذا غلبت على امرك
ياختي اشيري عليه بالزواج يمكن هو يبغى وحده اصغر بكثير من امك يمكن لانه قوي جنسيا او يمكن لان امك كبرت وعلى الاقل الحلال ولا الحرام