وعليكم السلام ورحمة الله وبركاته
قلبي معك ياريفان لأني مريت تقريبا ً بنفس موقفك مع بنت خالتي
أنصحك في البدداية إنك تفتحين معها حوار بهدووووء وتجينها من كذا ناحية
أهم شي من الناحية العاطفية ، قوليلها أنا عرفت إنه إنت تكلمين وأهلك مايدرون
وأنتي البنت الكبيرة وعزهم وفخرهم ترضين تكونين أنت ِ السبب في تشويه سمعة أهلك !!
قوليلها البنت مهما كان أي شي بيكون محسوب عليها ، أوكي الحين إنت ِ تقولين سعة صدر وبس
بكرى إذا أحد عرف عنك وراحت سعة الصدر وش بينفعك <<< خليها تفكر بالندم والخوف
أتوقع إنه عمرها كبير وأكيد إنه ممكن أحد يخطبها هالفترة قوليلها ترضين تتزوجين واحد يكلم بنت غيرك
طبيعي بتقولك لا قوليها إنت ِ بتصرفك هذا تعطين فرصة لأي بنت تكلم اللي بيكون زوجك مستقبلاً
كلميها من الناحية الدينية وبهدووووء ابدأي معها بجزاء الناس اللي محافظين على أنفسهم من
الشيطان وألاعبيه وإنهم ينتظرون يمتعون أنفسهم بالحلال عن الحرام
اسأليها إنت ِ مرتاحة ؟ ولو ماجاوبت عليك قوليها شي طبيعي تكونين مو مرتاحة مره لأنه تأنيب الضمير
عند المسلم صاحي ماينام حتى لو تنساه !
برأيي ياريفان تكونين إنت ِ بالواجهة وابعدي أمها عن الموضوع علشان صحتها
وحتى أخوها لاتقولين له إلا بعد ماتجينها وتكلمينها كذا مره لو مانفع معها تعاليها بالشدة
يمكن الطيبة والهدوء بالحوار ماينفع معها
وإن شاءالله مايوصل الموضوع لحد هنا وماتعلمين أخوها وتنتهي المشكلة
صحيح ريفان لو عرفتي من صديقاتها وقدرتي توصلين لهم وتشوفين هم يمكن اللي مأثرين عليها
تكلمينهم ولو وصل إنك تهددينهم وتقولين لهم يبعدون عن أمل ولو علموها إنك مكلمتهم بتنفذين تهديدك لهم
أتوقع بيكون حل مناسب
أتمنى إنها تكون فترة وتعدي والله يهديها ويهدينا ويبعد عنا كل شر
بالتوفيق ريفان