ياخي محب زمان جداتك غير زماننا الحين..

عموما هو يعتمد على البنت بدرجة اولى يعي انا مثلا لمن كنت بعمر 18 ابدا ما كنت انفع للزواج بزر وماعندي حس للمسؤولية وما افهم الواجبات الاجتماعيه ولا اعرف وش لي ووش علي يعني ماميز حقوقي والواجبات اللي علي وهذا وضع غالبيه البنات بهالعمر..

لكن في بنات بهالعمر يكونون فاهمات ..اولا يعتمد على تربيتها كيف وثانيا على طبيعتها هي شخصيا..

اختي مثلا عكسي تماما مع اننا تربينا نفس التربيه الا انها من صغرها تحب قعدات الحريم وتعرف الواجبات الاجتماعيه وعندها حس بالمسؤوليه وتحب تطبخ وتسنع وكذا ولهذا السبب انخطبت وهي بعمر ال 18 وزوجوها اهلي وانا كنت اخطب بعمر ال 18 وال 19 وكانو اهلي يرفضون..

فهمت علي؟؟ يعتمد على البنت نفسها واذا هي البنت تفكيرها صغير شوي وهو مستعد يتحمل اوكي بس يحط بباله انه بتتصرف تصرفات في البدايه مارح يتقبلها..

مثلا تنام وتخليه.... تعصب لما يرفض لها شي ماترضى تطلع معاه احيانا.. او تبي تروح لاهلها كل يوم ..الخ يعني لازم يتحمل هالحركات الين تكبر شوي وتتعلم كيف الاستقرار والحياة الزوجيه بس لازم يصبر عليها مو من اول موقف يقول ماحشمتني ويرجعها لاهلها مهما كان هي صغيره ومابعد فهمت هالامور وشكرا..