السلام عليكم
اختي الفاضله ,,, الله يهيدك ويهدي زوجك ويهدينا كلنا
أنا كنت في الماضي مثل زوجك ضائع بين شاليهات بالما بيتش وديسكوات دبي,,,,,,,, والسهرات مع بنات وشباب والمكبيوتر والنت وغيرها من المعاصي والعياذ بالله ,,,,,,, والسبب الأول في إعتاقدي أنها زوجتي لأنها أهملتني في التواصل مع صديقاتها وأهلها ,,, والسبب الثاني هو التدخين فهو يجبر الشخص للإبتعاد عن الغير مدخنين والى أماكن الشياطين ,,, والأسباب كثيرة .

الحل : اللجوء لله والدعاء والإلحاء فيه وبالذات بقيام الليل ,,, وثانيا لازم ما تخلينه ياخذ عنج فكرة سيئه مثل غببية وغيرها من تصرفاتج.
ودائما قبل ما يطلع جهزي له ملابسه ونعاله جدامه منظف وعطريه ولا تقولين له وين بتسير قولي له يوم بترجع ييب لي سندويتشت شوارما مثلا ( شيء مب متوفر بالبيت ) عشان يحاول ما يتأخر ويجبها لج
كل اليوم الصبح حاولي تصحين لصلاة الفجر وتصحينه معاج
وكل وقت تذكرينه بالصلاه وتقولين له ود العيال معاك ولو كانت بنت . ( عودها على الصلاة )
وعلمي اليال ينادونه دائما حبيبي بابا ويتصلون به بين فترة وفترة ويتعلقون فيه .
وانتي اطلب من الله ان يهديه ويترك الدخااااااااااااااااااان
ولو حاول يتركه ساعديه
عندي نصائح كثيرة بس ما ابغي اكثر عليج حاولي تكشخين له دائما ,,, و يوم يسافر قولي له ييب لج ملابس نوم على ذوقه
وغيرها
وبتعدي عن الوجبات اللي تثير الشهوه عنده مثل النغر والربيان والجشيد وغيرها
وحاولي تسوين اشاء أتكيت مثل الحلويات وغيرها
الله يساعدج اختي
اخوك د. بو سلطان