اقتباس:
|
المشاركة الأصلية كتبت بواسطة ][ لمني بشوق ][
فكرتي هذه للزوجه اللي عندها اطفال...
اولا لا تخلين الاطفال ينامون بالنهار....وجهزي لوحه كبيرة تقريبا ....وحطي عليها صورة كبيرة ليوم زواجكم
ويعدين صور صغيره ليوم الحمل بالاطفال اذا كانت عندج...وصوركم مع الاطفال ..يعني حطي على اللوحه تقريبا
12 الى 15 صورة ....وحطي اللوحه على طاولة الطعام او الباب....واطلبي من اطفالج يكتبون اي كلمة لابوهم
على اللوحه..وانتي بعد اكتبي اي كلمة او عبارة حلووه لزوجج.....ورشي الورود على اللوحه علشان ما تبين
واتكون مفاجأة لزوجج.....زيني غرفة النوم باستخدام احلى الافكار...بالشمووع والعود والورود...وابحثي عن
صورة زوجج وهو صغير وكبريها شوي مع صورتج وانتي صغيرة...وشكلي الورد على السرير بشكل قلب
وحطي صورتكم وانتوا صغار في القلب...وغيري المفارش وكل شي...واقفلي الغرفه ولا تخلينه يشوف الغرفة
الا بعد ما ينامون الاطفال....
خذي الاطفال للسوق علشان يختارون هديه لابوهم ولا تتدخلين انتي في الاختيار....حتى لو كانت بسيطة
جدا خليهم ياخذونها له.....وبالليل...جهزي البيت وضيفي لمساتج السحريه ...وجهزي اطفالج..ولبسيهم ملابس
حلووه وخليهم يرحبون في ابوهم عند الباب وكل واحد ماسك هديته ...الا انتي ...وبعدين خليهم ياخذون ابوهم
علشان يفاجئونه باللوحه....وانتي تكونين مجهزة العشاء في حديقة البيت او اي مكان واسع في البيت..
والافضل يكون العشاء عبارة عن حفلة شواء في الهواء الطلق ....
وبعد العشاء اذا الاطفال ما ناموا...جهزي لهم لعبه....مثلا: ( لعبة رمي البالونات المملوءة بالماء...او لعبة
الكراسي...او اي لعبة مناسبة يشارك فيها الكل...) وبعد اللعب اكيد الاطفال بيكونون تعبانين ويبون ينامون.
واللحظة هذي خاصة فيج انتي وزوجج...فاجئ زوجج بالغرفة المجهزة وهدية بسيطة من عندج...خاصة انه
اكيد مفكر انج نسيتيه....واكيد بيفرح بهديتج ....هذي فكرة بسيطة لليلة لا تنسى ...
والسموووحه على الاطالة...والله يسعدكم ويوفقكم..
اختكم....لمني بشوق
|
ما شاء الله تبارك الله ... والأفكار الجميلة الرائعة تتوالى من الأخوات ....
الشكر كل الشكر لكِ أختي الفاضلة "
لمني بشوق " على تكرار طرحك للأفكار ... جعلها الله في ميزان حسناتك ...
ونفع الله بك ... تحياتي ؛؛؛