عزيزتي زوجه بلا ظل........البعــد اللي بينــج وبين زوجج للاسف انتي السبب فيه...

انا لي صديقة مرت بنفس تجربتج...وكان زوجها يحبها مووت وما يفكر انه يتزوج عليها مع انها ما جابت له اطفال..

لكنها كانت تبعد نفسها عنه وحاسه بالذنب...وجت عندي تشكي لي بعد الله طبعا...وعطيتها نصيحه وطريقة

والله شاهد يااختي انها سعيدة مع زوجها والان هم تقريبا متزوجين من 8 سنوات وما شي اطفال...

مع اني في ذيك الايام ما كنت متزوجه بس هي سمعت نصيحتي...

غاليتي...اولا عليج بالدعاء....وثانيا..عيشي مع زوجج بسعادة..استغلي كل لحظة معاه

ما تعرفين يمكن تنشغلين بالاطفال بعدين وتشتاقين لهذي الايام....حرام انج تلومين نفسج....لان هالشيء

بأيد الله عز وجل....هذي الفترة عيشي مع زوجج مثل العشــاق...اشغلي نفسج بما ان زوجج غالبا مسافر

بعمل مفاجآت له..وخططي لليالي رومانسية معاه...والله انتي بتجاهلج وعدم اهتمامج ظالمة زوجج الطيب

هذي نعمه يااختي...ارضي بالنصيب وبكل ما كتبه الله...انتي اللي مانعه اي اتصال او كلام مع زوجج..

افرضي تزوج وانتي حملتي بعد زواجه...وانتي تقولين انج ما تتحملين المره الثانية..وبعدين...شو بتسوين؟؟

الرازق الله يااختي..ولو بايدج كان حملتي وجبتي له اطفال...لكن الله هو الوحيد القادر على كل شي..

استغلي الوقت وصلحي امورج مع زوجج....علشان ما تندمين بعدين ...

والله يسعدج ويوفقج..وييســـر امورج..

اختـــج........لمني بشوق

__________________