اختي الله يهديج ويشرح لج صدرج ..
كم مرة المرة تحصل لها زوج مثل زوجج ؟
يعني لو خليتيه يكرهج ويطلقج شراح تستفيدين وانتي وحيدة في بيت اهلج ؟
دام انه يحبج وشاريج ومحتسب هالشي عند ربه وما ضيقج بخصوص العيال ليش تبين تنكدين عليه حبه لج ؟
والله اني اعرف شخص الله مارزقه ذرية من زوجته الا بعد 40 سنة ..
وترى في مثل حالتكم كثير .. لكن سطري اسمج وعملج من ضمن اللي عفّت زوجها وحصنته وخلت بيتها جنة في الدنيا وسعادة لزوجج اللي يحبج ..
كوني له الزوجة اللي ترعاه وتحفظه والبنت اللي تحسسه بلذة الدنيا ..
ترى مو شوي ان الرجال يلقى الزوجة اللي تخليه يرجع للبيت علشانها ..
اللي بالغيب خليه لعالم الغيب .. وعيشي حاضرج باللي كاتبه لج ربج بدون قنوط او يأس من رحمة اللي قسم الارزاق ..
ان كان الله سبحانه ما قدر لكم الذرية حاليا فان الله سبحانه قدر لج حب زوجج .. وهذا قد يكون تعويض من الله سبحانه لكم علشان تدوم المودة والرحمة بينكم ..

سؤال :
لو كان العيب في زوجج .. هل راح تتركينه او تضيقين عليه حياته وسعادته معاج ؟