عندي سؤال هو هل زوجها يحبها؟؟
شوفي انا شو سويت مع زوجي امس....كل مرة الاحظ اول ما يقوم للسحور يطالع موبايله....امس كان المسج طويل فاخذ فترة في قرايته...المهم من ساعتها وانا انعفس حالي وحسسته باني اشك فيه....وراح دوامه واتصل فيني وتناقشنا بس ماقلتله اني فتشت تلفونه ولما سالني هل فتشت تلفونه... رديت وقلتله حركاتك وارتباكك وانك ماترد على الارقام هو اللي شككني .. والمسج كان آخر طاقتي.. تعرفين عصب واااااايد وقال اني ظلمته وقلتله خاين وان اول ما نرجع البيت بيعطيني التلفون عشان افتشه واشيل الافكار....واننا بنتصل فكل رقم عشان اسمع انه واحد مب وحدة... بس اعترفلي اني بلقى رقم واحد بس رقم وحدة....وهي معاه فالدوام وهي اللي تتصل من قبل ما نتزوج وانه يصدها ويقولها اني متزوج بس هي ما تفهم وترد تتصل.....بس وقال هالشي خباه عني عشان ما اتضايق واساله كل يوم عن هالسالفة اللي هو يحاول انه يحلها من غير ما تسويله هالبنت مشاكل فدوامه وتتبلا عليه.....بس لما رديت البيت كشخت وتزينت اكثر من كل مرة ولما وصل عطاني تلفونه فقلتله انا ما ابا افتش وهو على كيفه يسوي اللي يباه..فاصر اني افتش وحلف انه مامسح شي...وانا اصريت بس سالته انا شو ناقصني وبشو مقصره بس هالسؤال...رد انتي مقصرة وايد... انزين قولي مثل شو؟ ما عنده رد..لاني خلال الايام اللي مرت وانا احترق كنت اساله انا مقصرة بشي يقول لا بالعكس انا وايد مرتاح معاك...!!!!! دخل الصالة عشان ينام وانا بقيت فمكاني ودموعي مو قادرة اوقفها .. بعد فترة ناداني...سرت فقال والله ما اخونك وانا احبك حب جنوني!!!! والمسج كان من وحدة ما اعرفها وانا اتصلت بالرقم وقلتلها انا انسان كبير ومتزوج وعندي عيال؟؟؟والثانية قلتلك انها تلاحقني من قبل ما نتزوج؟؟؟
فصحت وقلتله انا احبك وكنت واثقة فيك ليش ما صارحتني ليش خليت الشك يدمرني...فقاللي شوفي الارقام وفتح تلفونه فسالته عن رقم كل ما يدق مايرد ..طبعا انا متاكدة من قبل انه وحدة...فقال هذا الرقم الثاني للبنت نفسها اللي تلاحقه فالدوام؟؟؟؟ سويت نفسي اني صدقته عشان انهي الموضوع... واعتذرنا لبعض لاني قلتله خاين وهالكلمة مثل ما قال حرقته اكثر من شكي فيه ومن كل شي قلته....
بس تعرفين احس من امس لليوم ان الموضوع ماثر فيه وايد لاني شكيت..وكل ما يرن تلفونه يقوللي شوفي عشان ما تشكين.....يعني ماخذ على خاطره....وانا اللي صرت احاول اراضيه واضاحكه....لاني اخاف اني صدج ظلمته... ما اعرف بس احس ارتحت من نار الشك اللي كانت بتدمرني....واما هالبنت الله يبعدها عن طريقنا لانه يقول هي تترجاه ياخذها الثانية...وكثر الدق يفك اللحام....الله يعينني ويصبرني ويجازيها...
ادري طولت عليكم في كتابتي بس اتمنى تجربتي تفيد صديقتك...وان شاء الله يكون زوجها يحبها ويخاف من فقدان حبها له وثقتها فيه... الله يكون في عون الكل...واسمحولي على الاطالة

__________________