|
كبيره وأصغر مني ..............وأحترت بين الثنتين
السلام عليكم ورحمة الله وبركاته
بدخل في الموضوع على طول بعد ما قررت الزواج بداء عملية البحث من أهلي والحمد لله انه لقوا كثيررررررررر لأن شروطي ما كانت صعبة أهم شيء تكون دينه وشكلها مقبول والحمد لله توصلت لثنتين كلهم فيهم اللي ابيه واكثر يعني فوق شرطي جاء معاه الجمال المهم انا أحترت بين ثنتين وحده أصغر مني بسنتين أو أقل شوي والثانية أصغر مني بخمس سنوات أو أكثر شوي وبداء النقاش بيني وبين أهلي أنا أقول الأولى أحسن لأنها صغيره وتكون توها وأقدر أوجهه بكل سهوله لأنها بتكون تسمع كلامي بكل شيء يعني اخذها مثل العجينه وأعملها مثل ما أبي (ترى على فكرة ماني من النوع المتسلط اللي ابي البنت تمشي كلامي وهي مالها كلمه عندي) وأهلي يقولون خذ الثانية أول شيء كبيره وواعية وتعينك في كل شيء وثاني شيء (وهذا كلام أهلي والله) أنت في تعاملك وتفكيرك أكبر من عمرك بكثير اللي ابيه هل فرق العمر القليل بي الزوجين يأثر على رومنسيتهم وعلى التفاهم أم ان كل ما زاد الفرق زادت الرومنسية والحب والتفاهم ملاحظة انا ما ابي اتكلم عن موضوع العلاقة الحميمية لأن عندي اعتقاد هذا الشيء ما يقل بالعمر ولا يزيد يعني خلاصة الكلام هل تقارب العمر بين الزوجين سلبي أم إيجابي والله يحفظكم ويسعدكم ويحقق امانيكم أخوكم محمد |
الكبيرة افضل لانه اوعي وانضج
|
أختي نادرة
يسعدني ويشرفني أنه أول ردودك في هالمنتدى تكون في موضوعي وأشكرك على رأيك بس تقارب السن ما تشوفين انه سلبي |
والله انا انصحك بالصغيره
توكل على الله و خلها خيارك الاول و انشاء الله يكون خيارا موفقا و زواجا مباركا |
اولا التمام على خير ان شاء الله
بالنسبة للعمر الفرق مهو كبير بين الفتاتين اللي اخترتهم يعني كلاهما ينتميان لنفس المرحلة الفكرية تقريبا الفيصل في الموضوع انت اذا كان شفت واحدة منهما او كلتاهما شوف ارتحت لمين اكثر بالاضافة الى الإستخارة اما اذا كنت ليس ما دخلت مرحلة الشوفة حاول تسال اهلك عن مستوى الوعي عند كل واحدة ومستوى التعليم وكثير اشياء تقدر من خلالها تكون صورة مبدئية عن الشخصية وقولك انك تبي الصفيرة لانها عجينة وتقدر تشكلها فهذه ليست قاعدة سليمة ليس الصغر او الكبر هو الذي يحدد مدى تقبل الطرف الاخر للمعايشة معك بل الأهم الوعي والنضوج لدى الفتاة الذي يمكنها من التعايش واستيعاب الاخرين احس اني تفلسفت كثير سامحني |
انا اشوف ان اصغيره افضل في التعامل في المستقبل تشوف الفرق انا اخذت وحده:17: اصغر مني بكثير :22: مثل ماقلت انت :30: ( يعني اخذها مثل العجينه وأعملها مثل ما أبي
(ترى على فكرة ماني من النوع المتسلط اللي ابي البنت تمشي كلامي وهي مالها كلمه عندي) والله يوفقك اخوك عاشق بلاده |
أخي الكريم أسأل الله لك التوفيق
أنت استخير والله يكتب لك الخير يااارب ع فكره فرق العمر لكل البنتين مناسب جداً لك والفروق في الرومنسية والحب والتفاهم ماله علاقه بالعمر يعتمد على طبيعة البنت جرب تفاضل بين البنتين بشيء آخر غير العمر ودعواتي لك بالزوجة الصالحه |
انا اشوف ان البنتين مناسبيتن واي اخترت منهم بتكون باذن الله صالحه
وانا من وجهة نظري اقولك ان عمر النضوج والعقلانيه ما اعطت على حسب العمر ياما بنات صغيرات انصج واعقل من بنات كبيرات في السن فاستخير وتمهل وانتقي من تظنها ستكون خير زوجة لك وبالتوفيق ان شاء الله |
والله شوف ,,,,
اذا البنتين جاهزات للزواج من ناحية السن ,,, التعليم الجامعي(لانها بتكون اوعى) ,, انا من رايي انك تاخد الاكبر لانها فعلا متل ماحكيتلك بتكون اوعى ,, يعني مثلا بنت عمرها 22 بتكوون لسة طالعة من الجامعة جديد , ما اختلطت بالناس في مجال العمل وما شافت المجتمع الحقيقي وطبيعة تفكيرها بتكون واعية بالنسبة لاي بنت اصغر منها . بالمقارنة مع بنت عمرها 24 او 25 .. طبعا هدول بيكون اوعى من بنت ال 22 .. ما تحكيلي انو البنت بتوعى بسن بدري ... لانو حكي فاضي ,,, طريقة وعيها بتكون اقل بكتير من البنت اللي شايفة الحياة وانا بحكي هاد الحكي عن تجربة وكتر ما خالطت الناس والبنات عرفت مين اوعى من مين |
مرحبا اخوي والله انا اشوف ان الفرق بين البنتين مو كبير مرة الفرق سنتين بس او ثلالثة يعنى ماتقدر تقول هذة صغيررة وهذة كبيرة الحين من كلامك عليهم كن الفرق بينهم عشر سنين وبعدين جيلهم واحد وبنفس العمر تقريبا وبعد احب الفت انتباهك بشي ياما في ناس كبار بسن ولمن تجلس معاهم ماتعطيهم على قد سنهم تحسبهم لسة صغار وروحهم لسة صغيرة وياما في ناس العكس صار جدا ولمن تشوفهم ومن طريقة تجاربهم بالحياة والظروف الى مروا فيها تلقاهم اكبر من سنهم وجامدين ومافيهم روح الشباب وانا عن نفسي شفت كثير ناس كذا وبنات وخاصة البنات البنت صدقنى مو بسنها تشوف بنت 25 وكنها بنت 17 وبنت 17 احيانا تشوفها كنها عجوز من طريقة تفكيرها صدقنى ابدا مو مقياس اباد العمر اهم شيء شوف الى يرتاحلها قلبك ولازم تشوفهم ممكن تشوف الكبيرة وتعجبك اكثر من الصغيرة والله يوفقك ان شاء الله معليش طولت شوى :d |
| الساعة الآن 02:27 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©