|
لكل شباب المنتدى الرد بصراحة
الموضوع بأختصار اذا كنت تحب وحدة وتموت فيها وقررت انك تتزوجها وكانت في صلة قرابه بينكم بس مش قوية وعرضت فكرة زواجك منها لوالدك ورفض الفكرة عشان ابو البنت عصبي وقالك انو ماحيرضى عليك لو اتزوجتها وراح اختارلك العروسه اللي هو يبغاها بصراحة ايش حيكون موقفك ؟؟؟؟:11:
|
طيب ابو البنت وفهمنا انه عصبي :18: .......ابوها عصبي وانت تبي البنت وش المشكلة في هاذي ...مو واجد اباء عصبين ...بس مو معناه ..مانخطب من عندهم انت بتتزوج البنت موابوها
حاول ان انت تقنع ابوك به الموضوع بما انك تحبها وتموت فيها ...وتقوله :confused: هذا امر مش مقنع يا ابوي الا اذا في اسباب ثانية تجهلها حاول تقعد مع الوالد وتفهم وجهة نظره أكثر ...لأن باين ان ابوك طيب كثير |
وش دخل البنت بابوها
بعدين ياخي قول لابوك او خلي امك تقنع ابوك انك ماانت رايح تأخذ غير هذ البنت ابداً |
شو انت بتتزوج أبوها ولا البنت؟؟؟؟؟؟؟؟؟؟؟؟؟؟؟؟؟
ولو قصدك إنه بيدخل في حياتكم خليه يتكلم وقوله حاظر ومب لازم تسوي اللي يقوله ................... عالعموم صلي الاستخارة وخل الوالد (ابوك) يصلي الاستخاره بعد و الله يوفق الجميع |
السلام عليكم ..
أخي الفاضل .. أتزوجها وأتزوج أبوها بعد , مو بكيفه , لو مارضى ( الشرع رح ياخذ منه حق الاذن لبنته ويعطيع لعمها مثلا او لأي أحد ) .. طالما ان مافيني عيب والحمدلله . معليش , بس اقصد اتزوجها هي , لكن قلت أبوها من القهر بس .. أخوك More Than a MAN |
أشكر كل اللي شاركو بس المشكلة اني اشتغل مع ابوي في محل وهددني بالطرد لو ما طاوعته بالله كيف نعيش انا وهي من دون راتب؟؟؟؟؟؟؟؟
انا بصراحة ماحب ازعل الوالد رضاه عندي بالدنيا والبت أموت فيها والله ماني عارف وش اسوي |
الله يعينك
بس اعتقد الوضع مهو صعب يبغالو شوية تفاهم مع الوالد وحركات الاولاد :15: انت خليك متفاهم وراعي الوالد عشان ربي يوفقك واستخير ربك قبل كل شي واستشير من هي صاحبة راي سديد زي الوالدة والله يسير لك اللي فيه الخير اختك سلطانة البشوشة |
اخوي المشكله سهله اقنع ابوك ان اللي بتتزج البنت مو ابوها ومثل ما قالت اختي سلطانه البشوشه يبغالها حركات اولاد يعني انت ما اقنعته بموضوع من قبل اكيد خلاص حاول تقنعه باسلوب يحبه ابوك وبقتنع ان شاء الله يعني الموضوع معتمد عليك كله بس يبغالك اشوية تشجيع
وان شاء الله ربي يوفقك اختك |
اخي العزيز....اسمع هالقصه
عندي ولد خالتي حب بنت عمه..... ولنفس السبب ابوه رفض ...وكان حجة الاب بان ابو البنت دايما عصبي ويهاوش وانه بوكرا راح يسويلك مشاكل علشان بنته حنا في غنى عنها....... قام الولد وماترك احد وخصوصا الرجال اللي يمونون على ابوه وبدون فايده.. سوى المستحيل ...لكن عبث...... تدري وش سوى,,,,, كل يوم يصحى الصبح..وهو على الفطور مع ابوه واهله ..يمسك قلبه ويعصر وجهه.. يسالونه وش فيك..يقول لا لا مافيني شي...وكذا على 3 ايام,,, لدرجة انه كسر خاطر ابوه..ودايما ابوه يساله وش فيك..وهو يقول لا يبه مافيني شي.. حتى ماجابله طاري البنت,,في اليوم الرابع,,صحوه على الفطور..صحى وطيح حاله جنب طاولة الفطور.. وصار يتمرمح بالارض ....ويصيح ابغى دكتور,,ودوه للدكتور ...وبدأ يسوي حاله مجنون,,, وبعدها باسبوعين تقريبا ..ومثل ماتعرف قلب الاب حنون مهما بدى قاسي امام اولاده,,, وافق على الزواج وبدون تردد,,,,,,,,,, عاد استفيد من القصه اخوي .......والله يوفقك... شويت دلال ومرض جسدي ونفسي وتمشي الامور........ |
كلم أبوك أكتر من مرة وحاول تقنعه بكل الأساليب
واستنجد بأمك أو أعمامك .. وأظهر لابوك إنك متمسك بالبنت وإنك ما تقدر تعيش مع غيرها وابوك لما يشوفك متعلق بالبنت ما أعتقد إنه راح يوقف في طريق سعادتك إنت كثف محاولاتك وقبل كل شيء أستعين بربك ولا تنسى الدعاء |
| الساعة الآن 05:32 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©