أخبرت ام زوجي عنه فغضب علي . . .
 

بعد ما حمستوني في موضوعي السابق لاستئناف محاولات الاصلاح لزوجي

يوم الخميس صرفت الاطفال ورسلت له من بدري رسالة اني صرفت الاطفال واني هيئت له جو وكشخت له واني انتظره
رد علي انه بيسهر بره:(
اتصلت بيه الساعة 12 ونص عشان استعجله ما رد علي
حاولت اكثر من مرة رسلت له رسايل بدون فائدة ولا رد علي
انتظرت والساعة تجري لحد ما صارت الساعة 4 الفجر وهو بعمره ما تاخر هالكثر
طفح بي الكيل واتصلت بأخته وقلت لها عن كل شي وقلت لها تخبر امها عن اخوها واني فقدت السيطرة عليه وانه بيضيع نفسه ومستقبله الوظيفي وعياله
حماتي المسكينة ما كانت تدري ان ولدها الكبير اللي معتمدة عليه واللي هو بمثابة ولي امرها يشرب الخمر
بكت وتعبت وصارت عصبية وجات لبيتنا العصر
ونادت زوجي وانفردت بيه في غرفة النوم وكلمته ووعدها انه ما يعودها

المهم ان زوجي ما يكلمني وزعلان مع العلم انه قبل ما توصل حماتي كان يكلمني كانه ما مسوي شي
وبعد ما عرف اني خبرت عليه امه هجرني حتى انه ما نام بالغرفة
ايش اسوي وهل اللي عملته صح ولا لأ

أرى انه تصرفك كانت ردة فعل عنيفة
وأناأحس انه شخصية الرجل ترفض هذا الأسلوب مهما كان المفروض ماتشتكي زوجك على أمه أوأخته
لأنه يرى انها كبيرة في حقة وتشويه لسمعته

والشكوى ماتنفع شيء لوك نت أشتكيتي لله ودعيتي ربنا يهديه ويصلحه

تحياتي

قولي لحماتك تكلم ولدها مره ثانيه وتقول له ان انتي قلتيلها من زود خوفك عليه وانك تحبينه عشان جذي خفتي عليه ...الخ

وانتي ايضا كتبيله رساله وحطيي معاها هديه او ورده اي شي المهم يكون شكلها حلو وقوليله ان تصرفك وتصرف والدته من خوفكم عليه وعلى مصلحته

ترى احنا معشر الحريم دايمن نطلع الغلطانين في كل الامور ودايمن لازم احنا الي نبادر ونصالح ازواجنا حتى لو الغلط منهم يعني لاتزعلين اذا حسيتي انك انذليتي وايد عشان تراضينه كلنا نفس الحاله استغفرا لله الرجل العربي الصراحه (مابي اقول دلوع) لكن حساس زياده عن اللزوم

أصلحتي الخطأ بخطأ أكبر منه

بالعكس انا قلت له بكل هدوء وبجملة واحدة وحماتي ما صرخت عليه هي كلمته من ناحية انها تخاف عليه من غضب ربه

وبعدين ما تحسيها كبيرة انه يرجع الساعة 4 الفجر سكران والله كبيرة وانا سكت عليه وايد سنة ونص ساترة عليه بس الساعة اربع الفجر مو حلوة قدام الجيران هم راجعين من المسجد وزوجي من الملهي

انا ذكرت اني خبرته اني بخبر امه علشان كذيه طبيعي يعرف اني انا اللي خبرتها

الظاهر انه هذا هو اللي بيصير بس بعطيه فرصة يومين اشوف ردة فعله

مشكلة النساء التسرع باتخاذ القرار وبدون تفكير ؟؟؟
فكرتك سليمة وصحيحة مئة بالمئة ولكن تنفيذها صفر .
اما كان من الاجدى ان تتفقي انت وحماتك على ان تتكلم معه بدون ان يدري انك انتي السبب في معرفة والدته للأمر .
حاولي دائما ان تتريثي باتخاذقرارقبل دراسته.
ان شاء الله بيعود زوجك لدينه ولك ولاهله

وايش تعتقد التصرف اللي ممكن يكون صحيح في هذه الحالة

اقرا الموقف ورد علي
ما كان ممكن اني ابتسم له واستقبله بالاحضان واقوله طولت الغيبة واشتقت لك وهو يقضي الليل في البارات والمراقص