اريدها ..جميله ومثاليه..والا سأتمرد
 

السلام عليكم ورحمة الله...........
اريدها جميله...........اريدها ملاااااااك......لديها سرعه في البديهه....فيها جمال الروووح.....وحسن المنطق..فيها شي مااعرف ايش هو بالضبط....وياليت تتكلم انكليزي بعد....وحبذا لكنه امريكيه

كلمات قلتها لامي الله يطول بعمرها...وحنا جالسين في الصاله جلسه عائليه قبل يومين وحنا منكبين على صحن من
الموالح قد عثنا فيه فسادا...(عافانا الله اكثر من 4 دقائق مستحيل يظل الصحن فيه حبه.)
ردت علي وقالتلي بس.....اللي تطلبه مستحيل..وايدتها اختي بعد وكانت الصدمه.......ليس لشي بس لحلم اندحر .
اخواني لم يقلقني التفكير بالزواج كثيرا...وبصراحه ماادري ليش الا بعد مارجعت من السفر وانهيت دراستي الجامعيه قبل سنتين..وحتى بعد مااشتغلت ..كان العمل ماخذ وقتي...وارجع العصر...اتغدى وانام ساعه وبعدين ادخل على الصاله احاول امازح او اهاوش اللي موجودين حسب المزاج....وبعدها للنادي وبعدها لمجلس الوالد اسجل حضور ...واذا بقى وقت اطلع مع ربعي اغير جو...واذا ظل بصيص وقت اجلس على النت..هذا برنامجي من السبت الى الاربعاء..
يمكن اعتبر من الناس اللي ماعندي وقت فراغ.........لكن فعلا قبل 3 شهور بدأ افكر جديا بالزواج...صرت اشتاق لمملكه خاصه فيني.....وصرت اتخيلها(((شعرها اسود طويل وبيضاء لاهي طويله ولاهي قصيره..ضعيفه ...خشمها صغيييييييييير مره...وفمها صغير...وناعمه..روحها حلوه ودايما مبتسمه..مثلي يعني ههههههه ))) هذي اميرة احلام لورنس الشكليه والجماليه......وهذا من حقي ....من حقي احلم واتخيل
صح النووووووووووووووم سيد لورنس..........الله يصحي بدنك............
نرجع للواقع......اكيد راح تقولون لي ياخي تزوج من قرايبك.....ومين قالكم اني مافكرت.......الا فكرت!!!!
عمامي بناتهم حلوات وجميلات لكن ماكملوا دراستهم يعني يادوبهم متوسطه...اعرف انه العلم بالراس مش بالكراس وافهم هالشي...بس فعلا مااناسب بعض...وخواتي اصلا قالوولي صعب اتناسبون بعض الا مستحيل....
بنات عماتي ...كلهم متزوجاااااات(مستانس الاخ).....بنات خالي...(كلهم متزوجات..)....بنات خالاتي كلهم متزوجااااااااات
الا وحده وراح اقولكم قصتها...كلهم يقولون انها حلوه الا انااااا....وهي اصغر مني بسنه ...وبرايي هي اصلا مشروووع ولد بس بعدين صارت بنت ....لانها قبل كم يوم على اساس تمزح مع اختي بالمطبخ عطتها مايغري.....ههههههه اكيد ماتعرفون ايش مايغري...هذي ضربة كراتيه رفسه الله يعزكم...تقول اختي عطتني مايغري لزقتني بالثلاجه...واختي كل ماتقوم الحين تمسك خاصرتها وتقووووول الله لا يعطيكي يافلانه.كسرتي ضلعي...وهذاك اليوم انا نازل من غرفتي وكانت جالسه هي وخالتي بالصاله مع الوالده وسلمت على خالتي ...تدرون وش قالتلي هي....وين يالحبيب رايح تكز....وربي تمنيت الارض تنشق وتبلعني....وبعدين خلص انا مشيت باطلع قالتلي ..وين يابو الشباب اجلس خلنا نسولف معاااااااك(حشا مو انثى واحد من الشباب)....استغفرالله ..تكلمت كثير عليها ..بس من قهري والله....يعني معقوله من كل البنات اللي يقربونلي قربه مباشره...مافيه وحده ...خلصوا.....
عالعموم كل هالكلام حطوه خلف ظهركم....انا امس عجبني موقع للزواج....والحلو فيه انك تختار المدينه....وتختار من ملتك يعني تبغاها بدويه ..حضريه...عجميه....وتحدد العمر...طبعا انا كنت اشوف هالمواقع من زمان بس ماكنت اهتم فيه.
لكن بصراحه ...فيه مواصفات مثل اميرة الاحلام...والصراحه هذا شدني كثير(اعرف انه مو ضروري تكون هالمواصفات صحيحه)..يعني انا بصراحه مش جاد كثير بهالموضوع ....يعني فكرة الزواج عن طريق النت.....وبنفس الوقت اعرف ردة فعل اهلي الرفض طبعا....وبصراحه مش مستعد العب بمشاعر واحاسيس ناااااااااس..وانا اقدر هالشي كثييييييييييييييير
..لكن بنفس الوقت..فيه بنات يشدونك بكلامهم من خلال وصفها لنفسها ...يعني بصراحه كل المواصفات موجوده....
فانا اقوووووول لو حطيت اسم مدينتي....واخترتها بدويه....ممكن تطلع من عائله نعرفهم..بس لانها ماتطلع ولا تروح ولاتجي ماشافت متنفس غير هالموقع..ماتتوقعون انه فيه كثير بنات حلال وجادات داخلات هالموقع....خصوصا انه الاشتراك بهالموقع..بفلوس يعني الناس اكيد اغلبهم جادين....وممكن اذا عجبتني طريقة فهمها للحياة...اخذ رقم امها....واقنع الوالده تكلم اهلها وبهالحاله احصل على فتاة الاحلاااااااااااااااام............
اخواني انا مش جاد بالموضوع.........وانا متأكد انه نهايتي زواج تقليدي.....
لكن سؤالي..........هل البنات اللي في هالموقع يكونن جادات في اغلب الاحيان ياهل ترى؟؟؟؟؟؟؟؟؟
مجرد سؤال...انا والله اعارضها......بس صارلي كم يوم افكر......ايش نوعية هالاشخاص اللي يدخلون هالمواقع!!!!!!

هههههههههههههههه...............اختي كبريائي
حنا نبغاكي في عالم المقبلين على الزوووووووواج......مش هنااااااااااااااااك
ربي يحفظك...وشكرا على مرورك
وبالنسبه للموضع اللي طرحته رايي واضح فيه باخر سطر

والله رأيى من رأى اختى كبريائى ان المواقع دى ما راح اقولك كلهم بل معظمهم غير جادين وغير جادات فى الاشتراك فيها
بس ممكن تكون هى المتنفس الوحيد لكثير من الناس بس نصيحة من اخت لك لا تضيع وقتك ووقت بنات الناس وخصوصا انك مو مقتنع بالفكرة من الاساس ولا عندك النية عشان هيك انسى موضوع النت واجعل الوالدة او اى احد من اخواتك تدور لك على المواصفات اللى تبغاها لما تنوى وتكون جاد والله يوفقك ونسمع عنك خبر سعيد قريب ان شاء الله

شكرا خيتي على ذووووووقك.......ودعائك.......
هههههههه اكيد مالنا غير الزواج التقليدي

بصراحة عن نوعية هالبنات او الشباب

ما اعرف نوعيتهم او هل هم جادين او لا

لاني اصلا ما اعرف مواقع زواج

والله يوفقك اخوي ويعطيك البنت اللي تتمناها

والزوجة الصالحة بذات الخلق والدين اللي كنت تحلم بهم يارب

خيتي.love heart
شكرا على ذووقك ودعائك..................تحياتي

والله يا اخوي من حقك تحلم وتتخيل وبعدين المواصفات اللي طلبتها مهي خيالية بالعكس موجوده كثير والله بنات
جميلات ومتعلمات ويعرفون انجليزي وفرنسي بعد بس انت لا تستعجل واذا عندك خوات خلهم يقومون بالمهمة
ونصيحة لك ابعد عن المواقع اللي بالانترنت والله كلها اوهاوم وخيال وكل واحده تسجل تمدح نفسها وما تخلي شي الا تقوله
وبعدين ما فيه بنت بتسب نفسها اكيد بتمدح لين ما تلقى احد يتعلق فيها ويتورط وينصدم بالحقيقة
الله يوفقك ويعطيك اللي في بالك

خيتي اين قلبي........
شكرا على مرورك ودعائك.............ويطوووووول بعمرك يارب

أخي اظفر بذات الدين تربت يداك نصيحة نصيحة نصيحة

ابحث عن الملتزمات وهن كثيرات ولله الحمد واطلب الله

أخوك المجرب جبا ياهو