|
ما الحل في رائحة الجسم الكريهه
انا اسوي مجهود يومي شاق واعرق بشكل كبير
بس بعدها آخذ دش وكل شي تمام لكن في اليوم الثاني وقبل ما اسوي اي مجهود او حتى اعرق بشكل عادي .. تطلع ريحة في جسمي تزعجني حتى ملابسي الداخليه تعفن :29: مع اني اتسبح بشكل يومي ولا يمكن يمر علي 24 ساعه الا وآخذ دش محترم لكن مشكلتي هي ريحة الجسم بالنسبه لريحة الابط انا احط مزيل للعرق وما يطلع منه اي ريحه ابدا ابدا بس ريحة جسمي هي اللي مضايقتني .. حتى لو ما اسوي اي مجهود وش الحل معها |
ليه ماتجرب التقشير للجسم ؟.. مرة واحدة في الاسبوع .... يمكن يفيد .. وجرب تستحم بصابون سائل يكون من ماركة معروفة وادعك جسمك بالليفة ... وكمان سوي حمام مغربي مو عيب الرجال يسوي شئ ... نظافة لانه الاخون ممكن يستغربوا كيف رجال ويسوي حمام مغربي ان شاء الله اكون افدتك ... |
الله يعطيك العافيه اخوي
في رأي 1_تتحمم بصابون الغار 2_تشطف جسمك بعد الحمام بعصير ليمون وتخليه الين ينشف لأنه يقتل البكتيريا 3_تسأل احد اطباء الجلديه 4_اوافق اختي كبريائي وان شاء الله خير ربي يسعك ويفرج همك وينولك مرادك ويريح بالك اختك في الله |
أخوي الحمام المغربي كل شهر مره مهم
وإذا طلعت من الحمام الله يكرمك والجسم لسه مبلول حط بخاخ على الجسم كامل دخن جسمك بالكامل وهو لسه مبلول بعدين نشف جسمك وحط أي كريم مرطب تكون ريحته حلوه وتثبت |
أبيك تجرب هالطريقه اللي بقول لك عليها وتشوف ....
1)إذهب لاي محل عود وإشتر من عندهم (مسك) تراه رخيص يمكن ربع التوله ب 30 ريال بعد ماتاخذالدش اليومي نشف جسمك كويس بعدين جب لك كاس أو أي (سحله..غضاره)وحط فيها ثلاث او اربع نقط من المسك وصب عليها ماء دافي مو حار بعدين إشطف كل جسمك بماء المسك ......... بتشوف إنه إذا عرق جسمك تطلع رائحة المسك .......... تراها مجربه وجيده وتنفع للرجال والنساء على حد سواء........ وإذا فادكم أبيكم تدعون لي الله يزوجني |
للاكل اللي تاكل دووووور كبير كبير
فابتعد عن اكل الثوم والبصل لان ريحتها ما تجي في الفم بس لكن تطلع بالجسم لمدة ثلاثه او اربع ايام بعد اكله فيه وحده دائما ريحتها حلوووووووووه و تمسك فيها العطور سالتها فقالت لي انها تشرب ملعقه صغيرة من مــــــــــــــــــاء الــــــــــــورد تحطه مع عصير وتشربه جرب ما الورد وقول لي وش صار معاك نصيحه/ لا تتذمم من رائحه اي انسان لان سبحان الله اللي يسب في ريحة شخص يصير له زي الشخص اللي سبه |
طيب انا بقولك على طريقه جربتها و انصحك تجربها وان شاء الله بتدعي لي صابون انت تعمله بنفسك و ريحته حلووووه وما تحتاج تحط كريم بعده لانك بتشوف اللمعه والرطوبه كيف.. اول شي اشتري 1 صابون لوكس الأبيض (بالحليب) كبير وتأكد انه الأصلي و ابشره و بعدين اخلط معاه نصف علبه ماء ورد صغير او اكثر من النصف شوي و بعدين ابشر قشر ليمونه كامله واعجنهم مع بعض وانت لابس بلاستيك على يدك.. عبي العجينه عندك في علبه وكل فتره خذ منها وحطه في علبه اصغر للاستعمال اليومي :17: و ان شاء الله بتشوف النتيجه ريحه حلوه ورطوبه ورغوه ولا أحلى :22: - - - - - - - - - - - - - لازم تجربها عشان تعبت وانا اكتب :29: |
* اخي اللامع هل جسمك فيه شعر كثير يعني صدرك وظهرك.
|
اخي ماء الورد مفيد 0000
اضفه للماء الذي تشربه 0000 واضفه للماء الذي تتشطف به |
الأخت ريكارد ممكن توضحين اكثر؟؟؟؟
|
| الساعة الآن 04:42 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©