|
مشكلتي مع زوجي
السلام عليكم ورحمة الله وبركاته
الى اعضاء منتدى عالم الحياة الزوجية الرائع اريد احد يسمعني ويساعدني في مشاكلي مع زوجي واسمحو لي اكتب مشكلتي بالتفصيل حتى يكون كل شي واضح انا متزوجه لي تقريبا ست سنوات وعندي بنت وولد في بداية حياتي الزوجية كان هناك الكثير من المشاكل واغلبها تكون تافهة وزوجي كل يوم يطلع لي بموال جديد تزوجت وعمري 18 وزوجي كان عمره 23 يعني مراهقين بداية المشاكل كان في الدش اللي دخله للبيت انا تربيت في بيت محافظ وحتى زوجي اهله محافظين ومتشددين وياليت اكتفى بالقنوات العربية لا دخل كل القنوات وحتى القنوات الاباحية وكان دائما يقنعني انها فتره مؤقته وانه بكرا بيجينا اولاد وما نقدر ناخذ راحتنا بعدها بدا بالسهر تقريبا خمس ايام بالاسبوع وانا تركته براحته وما احب اضغط عليه ما دام اني اعرف وين يسهر وين يروح بعدها بدا يشرب الشيشة لا واقنعني انه شي عادي انا بديت اتضايق بس اخر شي سكت لان زوجي من النوع العنيد يوم شافني سكت قال خلاص انا ببدا اشيش بالبيت وانتي بعد تجهزينه لي وتجلسين معي وننبسط مع بعض احسن من المقهى كالعاده رفضت والبنهاية يقنعني وسكت وقلت يالله بكرا يمل ويتركها وبعدين هو ما يحب يسوي شي غصب عني يبغاني اكون راضية جلسنا اربع سنوات على هذي الحالة سهر واهمال لي وطول الوقت يتابع الدش والانترنت بس كان يحبني وما يحب يشوفني زعلانة ابد ودايم يجي يراضيني حتى لو كنت انا الغلطانه حاولت معه كم مره اني اكمل دراستي واشغل نفسي بس يقعد يقولي ان الدراسه صعبة وما منها فايده وانا لا امقصر عليك بشي كل شي عندك دش انترنت تلفون بس اني مليت اخر شي قلت اسمع كلامه اهم شي يكون راضي علي ونسيت كل احلامي والدراسه وكل شي بعدها سافرنا برا عشان زوجي يدرس لغة وبعدها يكمل ماجستير ودكتوراه جلسنا سنة كاملة وكان يدرس بمعهد الفصل اللي هو فيه تقريبا كله بنات من كل بلد انا ما كنت اغار مره وكنت اثق بزوجي كثير لانه مو راعي خرابيط وكان يسولف لي عن كل شي بعد ما رجعنا اجازه اكتشفت بالصدفه ان زوجي مصور مع كل البنات اللي كانو معه بالفصل وصور ما لها داعي يعني بكل صوره كان يحط ايدنه على البنات ان انصدمت بالصور وشكيت بزوجي عشانه خبى عني الصور وكنت حامل وبغيت اسقط لاني كنت بالشهر الثاني وصارت مشكله كبيرة واعترف انه غلطان وانه خبها عني عشان ما يضايقني وما اغار واعتبر الصور عادية وما فيها شي وانه كل اللي معه من ...... يصورون ولكن ان شكيت فيه عشان هو خبها عني اخر شي وعدني انه بيمسحها وبعدين خلصت الاجازة ورجعنا برا مره ثانية وبدا بالدراسه وكان مشغول مره ومضغوط وانا كنت مهتمه فيه مره الى درجة انه يجلس يدرس ويقفل عليه بغرفته وانا اجلس بالصالة انا وبنتي اذا جت من المدرسه وما اطلع ولا ازعاج ولا شي وما كان يعرف يدرس الا وانا بالبيت وما احد يجي عندي وصرت قليل اطلع مع صديقاتي كل هذا عشانه وعشان دراسته في الفتره هذي كانت علاقتي مع زوجي الجنسية قليله بسبب اني كنت حامل ومالي رغبة وهو بعد مشغول وما عنده وقت حتى قالي حتى لو انتي مو حامل بعد ما راح تتغير العلاقة بينا لاني مشغول بعد كم شهر انا ولدت لما طلعت من الاربعين ورجعت لحياتي الطبيعية حسيت ان زوجي متغير وكان عندي احساس ان زوجي يسوي شي من وراي وصارحته وقالي ما فيه شي واللي مجنني انه قاعد بالبيت ما يطلع بس كان يقفل عليه طول الوقت انا ما كنت احسبه طول الوقت يدرس بعدها بشهر اكتشفت ان زوجي يتفرج على مواقع اباحيه وصور ويسوي العادة السرية انا انصدمت وضاق صدري واللي قاهرني انه مهملني مره ولا يلمسني مع اني بعد الولادة رجعت احسن من اول من ناحية جسمي واهتمام بنفسيي حتى والله بعض الحريم يحسبوني توني متزوجه وما عندي اولاد واجهت زوجي وصارحته واحنا متعودين على الصراحة اعترف واخذ الموضوع عادي وقالي هذي الاشياء عادية وان كل المتزوجين يسوون كذا وما باقي الا يقولي ان مشاهدة الصور ولا فلام الاباحية حق من حقوقه لا وبعد قالي انتي المفروض اذا شفتني اسوي كذا تسكتين ولا كانك شايفة شي والمفروض تحمدين ربك اني ما اغازل واطلع مع حريم وقال ان مو مدمن انا اصلا ما اشوفها الا مره بالشهر المهم انا ما سكت وقلتله انه حرام الشي هذي ومضر بالصحة تغير فترة واذا شافني ساكتة رجع على حالته والمشكلة انه بدون سبب بس كذا مجرد تغيير لا ويقولي انتي مو مقصره علي بشي وانه مبسوط ومرتاح معي وهذي اللي الاشياء اللي يسويها ما لي خص فيها يقول انتي شي وهذي شي ثاني حاولت اغيره واشغله واجدد بحياتنا وما اعطيه مجال يقفل على نفسه بس يتعدل كم اسبوع ويرجع على حالته انا تعبت وانمرضت وحسيت كل شي احاول ابنيه يضيعه وفكرت اني ارجع عندي اهلي لان وجودي ماله داعي وعطيته فرصة اخيره بانه يشيل قفل غرفته ووافق ووعدني انه يشيله وجلس اسبوع يوم شافني ساكته يرجع يقفل على نفسه ورجع على حركاته انا صراحة مااا تحمل اعيش مع واحد بس يقفل على نفسه يتفرج على صور اباحية وافلام لا وبالمقابل اهمال لي حتى والله ما يشوفني ولا يهتم وش البس اخر شي انا جيت وشلت القفل بعدها حسيت زوجي تغير وصار يحاول يتهرب مني ويسهر باللي لحاله ومره شافني قاعده بالليل ما نمت قال انت تراقبيني وانتي مسويه علي مراقبة طول الوقت انا صراحة انقهرت انا عمري ما تدخلت فيه يسهر ويطلع على كيفه عايش حياة العزوبية والزوجية بوقت واحد وما عمري شكيت فيه الا بسالفة الصور بس بعدها جاء يراضيني ويعتذر وانا رضيت ونسيت كل شي بعدها باسبوع يمكن كان هو مشغول مره واسبوع كامل ما لمسني ابد وانا كنت مشتاقه له مره بس عذرته انه مشغول نمنا بالليل وانا نايمه كان قاعد يتحرش فيني ويلمسني ولما قمت وصرت اتفاعل معه خلص هو حتى من غير ما يصير شي يعني هو ارتاح وانا تركني انا ما قدرت اتحمل طلعت وتركت الغرفة ولحقني وقال انا غلطان وسامحيني اصلا انا كنت نايم ومره يقول انا اصلا كنت احسبك ما تبغين انا متضايقة من زوجي حسيت ان زوجي بس يبغى ينزل ويرتاح من غير حركات ولا شي واكبر دليل على كذا انها اذا جتني الدوره يكون طول الوقت لاصق فيني بس تخلص الدورهيبعد عني وما يلمسني خاصة اذا شافني مهتمه بنفس من لبس وغيره للاسف انا الحين صرت اكره الجنس وكره البس واتزين لزوجي احس كل شي اسويه ماله فايده مع اني زوجي يحبني مره وما يقدر يبعد عني وعلاقتنا مع بعض فوق الخيال بس لو يترك هالحركات الحين زوجي يقولي انتي ظالمتني وانا مسكين ومسوي نفسة ضعيف واني انا مسيطره عليه وانا متحكمه فيه واني انا اكبر السوالف هل صحيح انا كذا هل المواضيع اللي ذكرتها تافهة وما تستاهل حتى الذكر هل صحيح ان كل الرجال كذا اسفة على الاطاله بس والله ما عندي احد غيركم اشتكي له |
المواضيع التي ذكرتيها ليست تافهة ولكن هم يرونها كذلك
أنا ليس لدي حل وإن شاء الله الأعضاء يفيدونك ولكن دخلت لكي أدعي لكي بأن الله يهدي لكي زوجك ويصلحه وعليك بالدعاء فهو الذي سخر البحر لسيدنا موسى عليه السلام وآلان الحديد لداود عليه السلام |
أختي ما أرى في مثل هذه الأحوال إلا الصبر وأن تكوني قدوة حسنة له في كل تصرفاتك وخاصة الصلاة وصيام التطوع والإلتزام بأمور الدين وحضور مجالس الذكر والمحاضرات الدينية وأن تعتني بتربية أولادك . ثانيا دعوته إلى الخير لكن بالحكمة والموعظة الحسنة والجدال بهدوء وبالتي هي أحسن . لا تحاولي أن تحسسيه بأنك تتجسسين عليه وتراقبيه من الخلف لا . إذا رأيتي الخطأ . إنصحيه لوحده بهدوء يا أبو فلان أنت قدوتنا أنت نور بيتنا أنت أبونا وراعينا أنت أسوتنا أنت سياجنا وسورنا أنت وأنت ......... و ........... إمدحيه بما هو أهله وأظهري له النقاط الإيجابيه وأنصحيه أن يتدارك السلبيات ليكون خير قدوة لكم
هناك أشرطة للاستاذ لجاسم المطوع تعتني بهذا الجانب أنصحك بسماعها واكثري له من الدعاء وأختاري أوقات الإجابة ولتكن الدعوة من قلب صادق وحاضر . والله وحده هو الهادي إلى سواء السبيل |
والله ما ادري وش اقولك .. كنت اتمنى ان عندي حل
بس اسمحيلي اقولك شي .. انتي اللي عطيتي زوجك ثقه زايده عن اللزوم وسمحتيله يسوي اشياء مالها داعي من البدايه ولا وقفتي بوجه صح .. مثل صمتك عن القنوات الاباحيه وشربه للشيشه بالبيت .. سماحك له بالسهر على كيفه ... الله يعنينك يا قلبي... وان شاء الله تجدين حل من الاخوه الباقين وان شاء الله تكتب على هذا النحو |
اقتباس:
اشكرك على الرد وجزاك الله خير |
اقتباس:
والله يا اخوي انا اصبر بس تجي اوقات الواحد خلاص يمل ومن ناحية المراقبة عمري ما حسسته اني اراقبه با لعكس دايم اابين له اني اثق فيه الا يوم شفت الشي زاد عن حده والحمد الله من ناحية المدح كل ما اكلم اهلي او اهله واخواني امدحه واقولهم انه ما قصر معي والنصح جربت معه كل انواع النصح بالطيب مره وبالشده والزعل مره اكثر اسلوب كان ينفع معه الزعل وانا ما احب الاسلوب هذا ابد بس انا الحمد الله ما فقدت الامل ابد انه يتغير وادعي له ولي ان ربي يهدينا ويصلحنا مشكور اخوي على النصايح وجزاك الله خير |
اقتباس:
والله يا اختي ما سكت كنت انصحه وكنت ابغاه يترك شي من قناعة وانا اخاف امنعه يروح يدور على الاشياء برا البيت وانا كنت دايم اقول هذي مراهقة وتعدي وكنت بعد اخاف من انه يتطور الامر اذا منعته الا اكثر من كذا بس الحمد الله القنوات الغاها خلاص والشيشة مو مدمن عليها والسهر ما اقدر امنعه وبعدين مو من حقي امنعه مشكوره يا اختي والله يعينا |
المفرض تصيرين حاسمه اكثر من كذا
الله يهديه |
الله يعينك زوجك يريد منك بال طويل وصبر
لكن دام يقتنع ويسمع كلامك لو فتره ويرجع فهذي نعمه .. وانه يرى صور اباحيه اهون من انه تكون له علاقات مع نساء اصبري وخلي المركب يمشي وداعي له بالهدايه |
الي أفهمه من كلامك ان زوجك يحبك وما راح يفرط فيك بسهولة .. عشان كذا إستغلي حبه لك في تعديل سلوكه ... بمعنى قولي له (( . أنا صبرت معك بما فيه الكفاية واتحملت منك كل ما صار منك مثل .. وعددي له الأشياء الي كان يسويها .. والحين أنا ما أقدر أتحمممممل .. خلاص صبري وصل حده)) وأمامك خيارين فقط .. يا إما انك تعقل وتصير رجال وتترك عنك الخرابيط وحركات المراهقين .. والا خلاص ودني بيت أهلي والله يستر عليك مارس حياتك زي ما تحب ....
في هذه الحالة .. أتصور انه راح يتغير إذا رأى منك الجد .. فإستغلي حبه لك وقبل هذا كله حاولي تستثيرين فيه الجانب الديني .. وضحي له حكم هذه الأشياء .. وحسسيه ان ما يفعله ما يجوز من إنسان عاقل .. وأهدي له شريط (كاسيت) يتكلم عن الحقوق الزوجية وغيره من الأشياء الدينية .. ولا تتوقعين منه التغير بشكل مباشر بل استمري في محاولة تعديل تصرفاته ولا تيأسين حتى لو طال الوقت بعض الشئ ... وإنتبهي ..احذري .. لا تدخلين أحد من أهلك أو أهله في الموضوع ... حاولي انك أنتي الي تؤثرين فيه .. مع تحياتي وإمنياتي لك بحياة زوجية سعيدة .. |
| الساعة الآن 05:07 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©