من حبي فيه ....
 

والله ماني عارفة كيف أبدأ زوجي طيب والحمدلله وحنون علي وعلى أهله وأنا دايم أقول إلي ما له خيير في هله ماله خير في الغير المهم إذا صار مشكلة بينه وبين أهله يحكيها لي وإذا كان عنده إنتقاد عليهم في شي يقوله لي
وبصراحة من حبي فيه تجيني ردة فعل على أهلة وأتضايق منهم في بعض التصرفات ويش تنصحوني

عزيزتي..
هذا الشيء طبيعي..
أكيد تفضلين زوجك على أهله..
وهو لما اشتكى منهم يعني أكيد متضايق من فعلهم أو تصرف بدر منهم..
نصيحتي لا تعظمين خطأهم ولا تقللين منه..
خلك حيادية..
قولي له لا تحط بخاطرك ولا تتكدر..
وإنتي لما تشوفينهم أنسي شكوى زوجك منهم..
خلي اللي بينه وبينهم شي خاص بهم..
وأقنعي نفسك إنك مالك خص باللي يعملوه بزوجك.. هو يعرف يتصرف..

وتذكري إنهم راحوا وللا جاو يبقون أهله وماراح يرضى عليهم..
مهما حدث لا تبيني لزوجك إنك ماتحبين أهله أو تتضايقين من تصرفاتهم..
لا تعملين غلطتي..
أنا أفور وأكره أهله لما يجيني يشتكي منهم..
والنتيجة إني أصبحت أبغضهم في قلبي..
واكيد ينعكس على تصرفاتي إني أنعزل عنهم وأتعامل معاهم ببرود..
زوجي وهو صاحب المشكلة يكون معاهم عال العال..
وأنا اللي مالي خص بمشاكلهم تتأثر علاقتي بهم..
وهذا اكبر غلط..

أتمنى إنك فهمتيني لأن أفكاري شوي ملخبطة..

حَبـاكِ الإلـهُ بأسمـى مقـام ٍ *** ووصىّ ثلاثـاً نبـيُّ الهـدى
مقامُـك بين جـلال الصـلاة *** وبين شذا الطيـبِ قـد أُفـرِدا
فإنْ كنتِ أمـّاً ؛ فبابُ الجِنـانِ *** إذا ما رضيـتِ فلـن يوصَـدا
وإنْ كنتِ أختاً ؛ فأنتِ الحَنـانُ *** وأنت الأمـانُ .. وأنت الهـدى
وإنْ كنتِ بنـتاً ؛ فعصفـورة ٌ *** نمـدُّ الفـؤادَ لهـا و اليـَدا
نجـوبُ إذا ما ضحكتِ المـَدى *** فتُحييـنَ فينـا مُنـىً هُجَّـدا
وإنْ كنتِ زوجـاً ؛ فأنت التـي *** نزفُّ إليـكِ الهـوى الأوحـدا





منقول

مثل ما قالت أختي بحرينية و لكن

بس شي مهم: اوعي تذمين أهله أو تطرينهم بسوء قدامة في مثل هالموقف...يعني هو يذمهم في وقت زعله منهم أوكي بس انتي لا تغلطين و تتفقين معاه يعني مثل ما قالت الأخت خلك حيادية و حاولي تهدينه شوي
لأن هو بعد فتره راح يرضى عليهم يعني مهما كان هم أهله راح ينسى غلطهم عليه بس ممكن ما ينسى غلطك عليهم...فهمتي وش أقصد؟؟

تذكري قوله تعالى (والكاظمين الغيظ والعافين عن الناس)

100% :22: :22:


متفق معى كلام الاخوات


خلي قلبك مثل البئر ... لايعرف مدى قعرها

مهما كان خليه هو يشكيلك من اهله بس انتى حاولى ماتندمجيش معاه لانه فى النهايه اهله وبيزعل عليهم