واسوني انا مهموم من سوء الحظ - والله تعبان
 

اخواني والله اني تعبت من الهموم والحظ الردي انا منحوس من عرفت نفسي
مشكلتي اليوم جديده .. مثل ماشفتوني كنت اكتب موضوع عن الرؤيه الشرعيه قبل فتره وبعد عن القرض..
والحين ابكتب لكم قصتي لعلكم تواسونني

انا كنت خاطب ..
خطبت من احد العوائل .. بعد ماشفتها وخلاص ومن ثم ردحت انا والوالد لابو البنت واخوها واتفقنا عل كل شي
بس الحظ نحس وققتها تدخلو الحريم ..
دقو اهلي عشان يتفقون على القصر والعرس
اتفقو على اننا نتكفل بالزواج والقصر ونعطيهم مهر 30000
سكرو السماعه الحريم .. على ان يتم التحليل لي وللخطيبه..
حللت يوم الاثنين ماقبل الماضي .. في صباح ذلك اليوم دقيت على خال البنت ( لان البنت عند خوالها امها مطلقه)
المهم قلت لخال البنت انا الحين بحلل وين تبي تحلل بنت اختك ؟ قال ماعليك خلاص انت حلل وهي راح تحلل...
حللت انا والنتيجه قالو لي تطلع يوم الثلاثاء 7/7/1427 الصباح .. رحت اخذت النتيجه دورت على اسم البنت مالقيته ..
دقيت على خالها قلت له وين حللت خطيبتي ..؟
قال ها ؟؟ ليش انتم ماهونتو ؟؟
انا انصدمت وقتها .. قلت شلون هونا .. انا مكلمك الاسبوع الماضي قايل لك بحلل .. وقلت لي اوكي ..
قال لا اهلك واهل البنت اختلفو حول الزواج ..!
واصلا اهل البنت كانو متفقين خلاص وعلى هالاساس انا رحت احلل.. ..؟
دقيت على ام البنت ردت على جدتها .. قالت البنت انخطبت وجاها نصيبها ..
حسبي الله على من كان السبب
والله هالحريم اذا صارو ورى شي اكتب عليه السلام
وانا الشكوى لله هذا حظي من على الدنيا وعيت ..
شوفو لي حل ياجماعه انا اخوكم وتعبان وضايقن صدري والله .. انا عاطفي جدااا وحساس
وانا مادري وش اللي مضيق خلقي بس كنت افكر واحلم بكل اللي بسويه بس الشكوى لك يارب
انا والله مااخطيت وااليوم دقيت على ام البنت بقولها اطلبي اي شي بس انصدمت من كلام الجده ..
المشكله اني شفت البنت مرتين رؤيه شرعيه ..
واسف على الاطاله بس والله ودي افض فض لكم يااخوان
طبعا انا الان اعزب وكنت خاطب ومبسووط والحين خلاص تفركشت الخطبه ااااااااه على هالحظ
سلام

يمكن فيها خيررررررررره

الخيره فيما أختاره الله

واسووووووووووووووني

ابوتركي ابي كلام تسولف لي
انا اتمنى انها خيره بس عاد كل ماصار شي نقول يمكن خيره ..
يعني نسكت وننقهر ونكتم مشاعرنااااااااااا

اخي
خل ثقتك بالله كبيره
وانظر الى من هو اسوأ منك لتحمد الله على حالك فهذه الدنيا لاتدوم على حال
وكما قال أخي تركي عسى أن تكرهوا شيئا فهو خيرا لكم
لاتكون يائس من رحمة الله خل املك كبير بالله
واكثر من الدعاء والاستغفار عسى الله يعوضك بما هو خير لك

أختك روتي

مشكوره ياروتي وجزاكِ الله خير

هذا نصيب والخيره فيما إختاره الله قول الحمد الله وتوكل على الله وخلي أهلك يدورولك غيرها إنت رجل مو زي المرأه تستنى نصيبك إنت متى مابغيت تقول لأهلك ويشوفلك بنت الحلال إللي تنفعك
الله يوفقك

أخي مشاعر..

والله زعلت عشانك..
عيب عليهم يعطونك كلمة ويروحون يزوجونها من واحد ثاني.. جذي بسكات من غير مايعلمونك..

لكن يا أخي..
لا تيأس..
ماوقفت الحياة على هالبنت..
الله يوفقك وتحصل اللي أحسن منها..
لا تخلي هالموقف يأثر عليك وعلى نفسيتك..
خلك أقوى..
ترى المواقف في الحياة كثيرة..
وهذا ليس أصعب موقف على الاطلاق..


موفق..

مشكوره والله وماقصرتي
تذكرين يابحرينيه يوم تردين على موضوعي عن الرؤيه يوم كنت وقتها مبسووط ..؟
ويوم تردون عن القرض حق الزواج ..؟
هذاالنصيب ..
الله يفرجها يارب

اخوي مشاعر مهملة ولا يهمك لا تضايق حالك
اللي كاتبه لك ربك رح يصير ذا البنت من نصيبك رح تتزوجها
وذا انت تبي البنت وما تقدر تتركها اتصل مرة ثانية بأهلها وشوف ايش الاسباب اللي خلتهم يفسحو الخطوبة واتفق معاهم وهذي تصير كثير منت أول ولا أخر واحد تصير معه عادي
لا تلوم حظك انت نيتك حسنة معاهم والله بيعطيك على قد نياتك
والله يوفقك ببنت الحلال وانت تستاهل كل خير:22:

لا لا ياشقرا
انا دقيت على اخوها وشبه هاوشته .. , وقلت له انا داق عليك ماابيك تضبط الموضوع , انا داق انقد واستعيب الشغله اللي سووها اهله ..وشلون يقولي البنت انخطبت .. مايصير خطبه على خطبه .. القهر وشو ؟ القهر ان الموضوع تفركش على شي تافه .. وانا كنت مستعد باي شي بس يالله الواحد مايدري وش المكتوووووب ..
يالله يارب ان توفقني وتعوضني خيرا منها .
وتسعدها هي وتوفقها بعد لان انا عارف ان مالها ذنب بالموضوع ..
الله يعين بس وانا شاكر لك على ردك