سيء حظ . ادخل لتساهم بالحل
 

تحيه طيبه للجميع وبعد
عندي ثلاث مشاكل مجتمعه في مشكله واحده ولا ادري بالضبط من وين ابدأ لكن بجد انا اعيش اسوأ حالاتي من العزله وفقد الثقه بالناس واحتاج لحلول مريحه
. تزوجت وانا بعمر 18 سنه من ابنة عمة لي وكان الزواج يواجه معارضه شديده من والدتي لان والدي متوفي رحمه الله عليه . لاني كنت راغبا في ابنه عمتي اصريت وعاندت حتى تم الزواج . وبعد مرور السنه الاولى على مايرام بدت العمة تدير المشاكل بشكل يومي ادخلت العقلاء من اقرب المقربين لي ونوعا ما تهداً ثم تعود من جديد
لا اجد لها اي مبرر اختلاق هذه المشاكل الا لمجرد اختلافها مع والدتي وبعضا من قريبات الوالده والضيحه انا وزوجتي
وبحكم انا لازلنا صغار كنت اتمتع ولله الحمد بقوة صبر وحاولت ان امنح زوجتي هذا الشي لكي تقف معي ولكن كانت شخصيتها ضعيفه لدرجه لو ان والدتها تقول تعالي معي واتركيه لذهبت باختصار للموضوع تسع سنوات هي عمر الزواج لم نعيش مع بعض بشكل تقريبي الا ثلاث سنوات فقط ونتيجه هذا الزواج ثلاث بنات . هذه العمة سامحها وهداها الله هي المسيطره على بيتها وعلى بناتها حتى المتزوجات منهم ولم يسلم منها احد حتى اصبح في بيتها ثلاث مطلقات .
عموما حاولت ان احافظ على زوجتي وبناتي ولم تكن الزوجه قادرة على الخروج عن اوامر وطلبات امها استقريت على امر اخير وهو الانتقال بعملي لمدينة اخرى بعيده حتى ابعد بعائلتي عن هذه الاجواء ولم نسلم لحقتنا تلك العمة وانهت كل شي بموافقه على مضض من زوجتي وطلقتها طلقه اولى فقط ثم لم تتركني وشأني لاحقت واختلقت كل شي حتى ضفرت تلك العمه بالطلاق بالثلاث .
بعد هذا الطلاق بسنه رغبت بالزواج مره اخرى بحكم أنني لم اعش مراهقتي كما الاخرين ولن استطيع العيش بدون اسرة وزواج ولان الوالده رافضه تماما الزواج الاول واعتبرت انه جاءا غصباً وفرضا عليها رفضت بالزواج الثاني ان تسعى به او حتى تحضر معي لأي عائله اخطب عندهم فإتجهت للخطابات وهي اول تجربه بالتعامل معهن فاتصلت بواحده منهن وفرشت لي الارض ورود وعددت لي بعض العوائل وكان طلبي واحد فقط هو البحث عن بنت اصل وان تكون على الاقل مطلقه ولديها بنت ماهي الاسباب ولماذا لا تخطب بنت بكر!! والله لا اعلم .كانت كثير اشياء في بالي اولها ان المطلقه بتكون عايشه حياة ومجربه فاكيد بتحرص بزواجها الثاني وبتكون عاقله.
المهم دلتني على ناس عندهم بنت مطلقه ولدها بنت وولد وعمرها اقل من عمري برابع سنوات وذهبت تقدمت وشرحت وضع والدتي ولم يعترضو سألو عني بالعمل وبعدها تمت الموافقه طلبت الشوفه الشرعيه ووافقوا على مضض .وتزوجت.
باختصار بهالزواج شفت انسانه غير هاللي شفتها وقت الشوفه الشرعيه واكتشف هالشي بعد ليلة الدخله واكتشف شي اخر ان البنت تكبرني بثلاثة عشر عاما بس المكياج ليله الدخله كان مغطي كل شي.
عموما لو كانت والله انها على الاقل تكبرني بسنه لن اعارض بس ان يستغلفوني بهالطريقه ولا يراعون الله ولا الخوف منه بهالطريقه صعبه . ثاني يوم من الزواج اتصلت على ابوها وجا وجلست معه وحطيت له السالفه وصار يعطيني مبررات غير منطقيه ابد يعني يرقع الكذبه الاولى بكذبه اكبر منها . شفت الوضع كذا طلعت من الشقه وقلت الله يستر عليكم ويسامحكم دنيا واخره وبعدها بمده تم الطلاق .
بعدها بسنه ايضا اتجهت للخاطبات مرة اخره وهذه المره بمنطقه غير ودلتني على ناس وعلى طول ماعارضو ابد ولا حتى طلبو حضور اهلي . كلما اقول لابو اللي بخطبها رح اسال عني بالعمل يقول لا انا واثق منك ودامك حلفت قدامي بصدقك . والمهر مايبي غير 30 الف والبيت عادي عنده غرفتين في بيته مستقله يعني فرش لي الارض ورد واسأله واقول ليش كل هذا وانت حتى ماسالت عني بالعمل قال انا اعرف الرجال من اول ما اجلس معه وباين انك رجال وتخاف الله . وانا مسكين على نياتي مصدقه والا امور مثل هذه بسهوله تكون مفهمومه والا واحد مطلق مرتين وعنده ثلاث بنات مستحيل احد يزوجه الا بعدما يسألونه عنه كثير
وانا والله كنت فرحان كنت اسمع فيه ناس تشتري رجال بس هالمره شفت مادريت والله عن اللي مخبا عموما طلبت الشوفه ورفضت تماما والسبب حنا عيال قبائل وعيب عندنا الشوفه بس راح اتساهل معك واسمح للخطابه تعطيك وصفها
كلمت الخطابه وقالت لي باختصار بنت مثل هذه ماتجلس خطابها واجد . نوعا ما تطمنت وبداخلي شي بس مدري وشو
المهم تمت الملكة ودفعت المهر ووافقت على المؤخر ولا حضر ولا واحد من اهلي وبعدها باسبوع قالوا ترا العرس بيكون عندنا بالبيت يعني لاتكلف على نفسك ولا تتعب اهلك نبيها مختصره
قلت خير ان شاء الله وبعدما انتهى حفله العشاء في بيتهم بحضور اصدقاء ابو البنت وعوائلهم ركبت معي البنت لاني كنت حاجز في فندق وشوي الا والبنت شغاله ضحك كل شوي تضحك حتى لو اقول احم احم استغربت والله وجتني رجفه بداخلي بس تعوذت من ابليس المهم يوم وصلنا الفندق وفتشت والله العظيم استفرغت الين دخت اللهم لك الحمد والشكر على خلقه ربي . رحت صليت قلت يمكن الشيطان مشينها بعيوني ولا فيه فايده .المهم صار موقف واللي بعدها غسلت يدي بالمره وعرفت اني رحت ضحيه نصبه وغش كبير
يوم انها جتني وانا جالس على السجاده وهي مفسخه ماعليها شي وتقول يالله اسرع ماودك نعرس
لاحول ولا قوة الا بالله وش البلوة هذه يعني شينه وعقل رايح فيها .
المهم باختصار وشكلي طولت من ليلتها وانا ماسك ابوها وغاسله غسلوسلمتها له وقلت رجوعي لي اللي دفعت قال انت تبي تطلق هات المؤخر ماتبي تعال اي وقت اخذها
المهم لازلت الان عزابي وهي في بيت اهلها ولازلت تزعجني بالجوال وبالرسائل اللي بمعضمها وسخه وابوها كل شوي متصل ياخي والله البنت ضعيفه ومسكينه توها صغيره مقدر اقول لها تروح معي للمحكمه تطلب الطلاق وتتنازل عن المؤخر .اخاف تسوي بنفسها والا في امها شي.
وين صغيره ياعم وعمرها 29 سنه الا والله بنت فيه مشكله بعقلها وماهي قادره تضبط سلوكياتها ونفسها وانا عندي بنات ابي وحده تساعدني عليهم مو وحده ما اطلع من البيت تالع انا شايل هم بناتي لاتسوي فيهم المهبوله بنتك شي
المهم لازالت انا معلق مدري اشتكيه بالمحكمه والا اكلم هالبنت مع اني والله عارف ماراح احصل عقل فيها عشان تفهم ولا ادري والله وش اسوي .
هذي مشاكلي الثلاث اللي بجد حسستني اني سيء حظ لدرجه كبيره وحتى التفكير بموضوع الزواج مستقبلا ما اعتقد راح يكون فيه زواج لان ما راح احصل احد بيزوج بنته واحد مطلق ثلاث لان الناس ماراح تفهم اني صرت ضحيه تعرفون المطلق زوجه وحده الناس تخاف منه وكثير يرفضونه كيف عاد انا اللي اعتبر الان مطلق ثنتين والثالثه الله يفكني منها
احاول اعود نفسي اني اكمل باقي حياتي عزابي مع اني عمري قربت يوصل 33 سنه .واجعل كل اهتمامي لبناتي
واسف جدا جدا جدا على الاطاله .

اعانك الله والهمك الصبر وربط على قلبك .

ان كنت تشك في قواها العقلية اعرضها على الطبيب وخذ منه شهادة تثبت عدم سلامتها العقلية ان كانت حقا كذلك ، ثم اعرض الشهادة على القاضي ليرشدك الى حسن التصرف .

او استشير محامي شرعي في منطقتكم حول ملابسات وظروف ذلك الزواج الاخير..

لا حول ولا قوة الا بالله

اخوي اعرضها على طبيب وخذ منه تقرير طبي يثبت هالشئ

ثم استشر محامي

حتى تخلص من هالورطه

واذا على الخطابات ، لا تقربهن

اخطب عن طريق زملائك في الشغل

والاهم ، اطلب رضا الوالده ، وخلها تدعي لك

يمكن هذا من عدم رضاها عليك

الله يفرج همك

اولا:انا والله اعتب على من يعيش في مجتمع متعلم ويرفض الرؤيه الشرعيه ويقول قبيلي ياخي الحبيب النبي عليه الصلاه والسلام اشرف نسبا منك ورغب في هذه النظره الشرعيه والعادات اذا كانت تخالف الشرع ضعها تحت قدمك وللاسف ان هناك بعض العوائل اولادهم متعلمين بل بعضهم قضاه ويمنعون النضره ولاادري ما فائده العلم اذا لم تعمل به .ثانيا:عليك بالاستخاره اذا اقدمت على الزواج ودع اختك او خالتك او عمتك تبحث لك عن زوجه صالحه ولن تعدم .ثالثا : ان كان في زوجتك ما يدعوك الى ابقائها من صلاح واستقامه فابقها وبامكانك ان تتزوج اخرى .اسأل الله لك التوفيق

السلام عليكم ورحمة الله وبركاته

اخي في الله

اولا نسـأل الله ان يوفقك في زيجتك المقبله بزوجة صالحه تخاف الله سبحانه وتعالى في السر والعلن

ثانيا اتجه للمحكمة وحاول ان تثبت لهم بأن المراة لا تطاق وليست حسنة المعاشره لوجود بها علة وحاول ان تثبت ذلك اخي بإثبات شرعي لكي يتم تطليقها بدون مؤخر اما اذا لم تستطع فحاول ان تقدم لها المؤخر واستعب الله وطلقها فأنت بدأت بالخطأ وحاول ان تعالج خطأك لاجل بناتك الثلاث

ثالثا اخي لا تتجه حاول ان تتجنب الخاطبات واذا اردت الزواج من فتاة فابحث عن طريق اهلك فهم اعرف بالبنات اكثر منك ولا تنظر للجمال وانظر لذات الدين والاخلاق كما قال عليه افضل الصلاة والسلام

ودمت بود اخي

لاحول ولا قوه الا بالله


قسما بالله عورني قلبي على هالسالفه..

اخوي قبل كل شي الزيحه الثالثه انت اللي كنت غلطان فيها


يعني بالعقل .. فيه ناس بيزوجون بنتهم بهالسرعه وبهاالاسلوب وبنتهم ما فيها شي ..

اكيد فيها مصيبه ..

ثاني شي كيف توافق من دون شوفه شرعيه ..

يا اما تشوفها ولا مو لازم عرس ..

فيه غيرها واجد

اهون من انك تتووورط...

عاى ايه حال اخوي اتمنى انك تفغل مثل ما قالوا لك الاخوان انك تثبت عن طريق الطبيب ..

ان فيها عله بالعقل ..

ووقتها بتطلقها من دون مؤخر

اعانك الله اخي الفاضل والله اني مدري ايش اكتب

بس نصيحتي لك زي ماقالو الاخوان لازم تثبت انها مريضه وتطلقها

واطلب رضا الوالدة وخلها تدور لك بنت الحلال

او احدى خواتك اوعماتك

اهم شي تطلبه فيها قبل الجمال والعمر

انها تكون تخاف الله وذات دين

والله يااخي ان هذا اهم شي انت عندك بنات وراح تتحمل هذه المراة تربيتهم واهم شي تكون تخاف الله فيهم

وماتضرهم وتكون بعدين بمكانة امهم حتى لو كبرو وتزوجو اذا كانت تخاف الله راح تكون احن من امهم عليهم

نصيحتي لك ارجع لبنت عمتك وربو بناتكم مع بعض