ابغي شوية نصايح من البنات والحريم(السيدات)
 

الله يسلمكم...بقى على عرسي 5 شهوور ان شالله:21:

و ابغي ايرب اشيل شعر بطني و ظهري...من الحين


بس مب عارفة شو الاحسن....

الحلاوة العادية او اللي هو الشمع (الواكس)

لاني الصراحة اخاف اشيل شعر بطني و يزيد...او يطلع بلون اسود,,,و انا ما فيييني:29:

ابغي الطريقة اللي ما تخلي الشعر يزيد او يسود...


بشو تنصحوني...؟؟:21:





اختكم: )

MooN UaE

ليش بتشيلين ظهرك بعد ؟؟؟؟
الظهر مافي شعر وصدقيني اذا شلتيه بتضطري تشيليه بعد كذا على طول لأن الشعر يزيد
وحتى بطنك اذا ماكان شعر كثير لا تشيلينه

امممممممم اوك ...

بس بطني احس انه فيه وايد حتى لو اشقر بس يتلاحظ : (

من جي ابغي اشيله من الحينه ...على امل انه يقل لين بعدين

واللي ابغي اعرفه

هو انه الحلاوة احسن ولا الواكس...((بشكل عام))



و تسلمين الغالية عذبة على الرد....

شاكره لج

اذا شلتي بطنك ابشري بالحكه راح تصيري زي افلام كرتون اذا دخل في بطنه نمله خليه على حاله احسن لك

إذا ماكان كثيف وواضح وأسود..
فالأفضل تركه..
صدقيني غير الحكة بيطلع لك حبوب وحرار..

وإذا مصرة أعتقد الوكس أفضل..

نصيحه لك يا حبيبتي...

لاااااااااااااااااا تشيلي شعر بطنك أو ظهرك... لأن هذا إسمه وبر.. أو شعر خفيف ولونه فاتح..

ولو شلتيه بيطلع أغمق والشعره نفسها رح تكون أسمك.. والله يعينك ساعتها..

زوجة أخي قالولها لازم تشيلي .. ويا حراااام الحين متعذبه من هالموضوع..

والله نصيحه لوجه الله.. ديري بالك..

ودائما الحلاوه أحسن..

ألف مبروووك.. الله يوفقك :)

والله يا اختي احكيلك عن نفسي انا جربت شلت شعر بطني وظهري لما تزوجت وكلشي ما صار فية لا كثر ولا صار عندي حكة لان انا الحمد لله جلدي مو حساس جدا ويتحمل ومع العلم شلته بالحلاوة اذا انتي تشوفين جلدك يتحمل شيلي حتى لو تكون هذي اول مرة واخر مرة جربي ما راح تخسرين شي

شــــاكرة لكم تفاعلكم

ما تعرفون شكثر استانست يوم جفت عدد الرددود:21:


و بالنسة للموضوع...يوم حفلة ملجتي شلت شعر ظهري...مع اني كنت خايفة بس قالوا لي عشان الفستان....

المهم كل شي صار عادي ...ما زاد عندي الحمدلله....و اختي ردت قالت لي انه شعر الظهر اذا استمريتي تشيلينه بيروح نهائي:18:


و الحمدلله ما عندي حساسية من هالموضوع



شكرا لانج قلتيلي عن تجربتج الشخصية ورد الصباح:27:


ما بستعيل بعدني بتريا ردود العضوات...وتجاربهم




تسلمووون والله ....ما قصرتوا...

و كلامكم و نصايحكم...حاطتنها بعين الاعتبار







:21:

;) ;) أنا متزوجة من 4 شهور و عندما تزوجت لم أسمح للكوافيرة بإزالة شعر ظهري و بطني ( ما عدا الخط أسفل السرة) ونحري لكن هذا لأن شعري خفيف و أشقر ففي تلك الأماكن لم أرى حاجة لإزالته و خفت من أن يغمق أو يطول كما أسمع. ومن تجربتي الشخصية : الأفضل هو ال( sweet) أو ماكينة إزالة الشعر التي تعمل بالملاقيط أما الكريم فهو سيء للغاية. أرجو منك أن تخبريني عن الإزالة بالwax ؟!