|
تفاعلكم في منتهى الاهميه ؟
السلام عليكم و رحمه الله و بركاته اخوانى و اخواتى كان ليا استفسار عن" شخصيه خطيبك الضعيفه امام زوج والدته " وتحكم زوج والدته في كل شئ يخصه و يخصنى انا و هو " بمعنى اصح وصل الموضوع الي الفركشه " و مع العلم ان عمر الشاب كان 29 سنه يعنى مش صغير و المبرر هو انه بيكبر دماغه علشان ميزعلش والدته و زوج والدته مسيطر عليه و علي والدته بدرجه رهيبه لدرجه انه كان السبب في فك خطوبتنا ومع العلم ان زوج والدته كان من اكتر الناس اللي ايدو خطوبتنا و اييدو انى انسانه محترمه و من بيت محترم وووو عفوا مش بشكر في نفسي اطلاقا بس حبيت اوضح الموضوع من جميع النواحى علشان الحكم يكون سليم و الاراء تكون مظبوطه و المشكله ان الشاب متمسكش نهائي بالموضوع بالرغم من اننا كنا مخطوبين مش مجرد كلام بس لا لا كانت خطوبه رسميه و كنت بالنسبه ليه و لاهله شئ ثمين و غالي و سبحان الله النصيب .غير ان زوج والدته تراجع في اتفاقاته في الزواج مع والدى بحكم انه في مقام والده و للاسف تراجع في الاتفاق و كان عايز يغير اتفاقه ويطالب والدى بتحمل تكاليفها بالرغم انها مش من الاشياء اللي تتبعنا في الاتفاق و صار نقاش و في النهايه هما اللي زعلو و نزلو من بيتنا زعلاننين بالرغم انهم اللي جايين يغيرو الاتفاق شئ غريب بجد !!!! ومعروف" ان الراجل يتربط بكلمته" مش بعد سنه من الاتفاق ييجى و بمنتهى السهوله يقول لا انا مش هجيب كذاا و كذا و انتو جيبوهم بجد حسبي الله و نعم الوكيل اسفه علي الاطاله بس بعتقد موضوع يهم ناس كتيره اتعرضت لمثل هذه المشكله و للاسف الضحيه بتكون البنت منتظره ارائكم و ردودكم و ليا الشرف اعرف ردك يا د / نبيل بكونك مصرى مثلي و عارف العادات و التقاليد اللي عندنا |
لازم يكون للزوج شخصيه ما يتاثر من احد والزواج قصمه ونصيب
|
تسلمى علي مرورك يا عزيزتى
|
حبيبتي لا تزعلي ولا تندمي .... وعسى ان تكرهوا شيئا وهو خير لكم ..... واذا باعك في البداية لا تندمي عليه بالعكس وخلي امه وزوجها ينفعوه ..... وانا من رايي اللي بيكون كرهان بيخلص وما بيطلب فلوس (شيء غريب فعلا) ..... انت بنت أي حد بيتمناك ..... ما تهتمي للموضوع .... وان شاء الله بيجيك نصيب احسن .....
|
السلام عليكم
تعرفى أختى الكريمه هذا الشاب من مصلحتك أن ربنا أنهى علاقتكم أمثال هذا يفضل طول عمر ماشى ديل ورى الناس وانا قاصد كلمة ديل الحمدلله أن الموضوع انتهى وربنا يعوضك عنه وانا شايف ان المفروض تستخرجى الحكمه اللى ربنا سقهالك فى هذه التجربه وتزيدى بها خبره فى معرفة الناس وانت لله الحمد مش خسرانه زى ما فلتى ولا انت ضحيه ولا حاجه مين قال أكاد بدون أن أراك أن أقسم أنه خسران مائه بالمائه عموما ربنا يرزقك خير منه ويبارك لك فيه |
شكرا لمرورك السوسنه السوداء و لمرورك اخى حامل النور ده من كرم اخلاقك بشكرك جدا علي رايك و رائ الاخوه و الاخوات في المنتدى انا مش ندمانه ولا حاجه بالعكس بحمد ربنا كل للحظه اتذكر فيها الموضوه ده لانه اكرمنى و بعده عن طريقي لانه مش نصيبي و انا مؤمنه بالله و عارفه ان كل شئ قسمه و نصيب بس الفكره انى بستغرب معقول عمره 29 سنه و يمكن السيطره علي عقله و علي تصرفاته بهذا الشكل شئ رهيب بجد سبحان الله بجد ربنا يعينه علي زوج الام الغريب ده .:( :29: |
| الساعة الآن 06:43 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©